31.03.2016. 2016 йилнинг 30 март куни “Навоий халқаро аэропорти” Давлат унитар корхонасида 2015 йилда жамоа шартномасининг бажарилишигаа бағишланган меҳнат жамоаси Конференцияси бўлиб ўтди.

Мазкур Конференцияда 70 га яқин иштирокчилар, жумладан корхона бўлинмаларидан сайланган делегатлар, аэропорт маъмурияти, Ўзбекистон касаба уюшмалари Федерацияси Кенгаши ва Ўзбекистон авиаходимлари касаба уюшмаси Республика Кенгаши вакиллари иштирок этдилар.

Шу билан бирга, Конференцияда жамоа шартномаси муҳокамаси жараёнида меҳнаткашлар томонидан касаба уюшма қўмитаси раиси, аэропорт маъмурияти, Ўзбекистон касаба уюшмалари Федерация Кенгаши ҳамда Ўзбекистон авиаходимлари касаба уюшмаси Республика Кенгаши вакилларига ўзларининг қизиқтирган саволлари билан мурожаат қилдилар ва тегишли жавоблар олдилар.

Конференция қизғин ва жонли тарзда ўтди.