Previous Next

03.11.2022. 11 ноябрь – Ўзбекистон касаба уюшмалари куни муносабати билан Бувайда тумани тиббиёт бирлашмаси касаба уюшма қўмитаси томонидан 50 нафар тиббиёт соҳасида кўп йиллар меҳнат қилган нафакадаги ходимлар ҳамда бир гуруҳ ишчи-ходимларнинг Тошкент-Самарканд-Бухоро шаҳарларига саёхатлари ташкил этилди.

***

Ўзбекистон касаба уюшмалари тизимида туризмни ривожлантиришга қаратилган “Ўзбекистон бўйлаб саёҳат қил!” шиори остида корхона, ташкилот ва муассасаларда фаолият юритаётган ишчи-ходимлар ва уларнинг оила аъзолари учун республикамизнинг сўлим гўшалари, диққатга сазовор қадамжолари, тарихий шаҳарларига саёҳатлар ташкил этилмоқда.

Хусусан, 11 ноябрь – Ўзбекистон касаба уюшмалари куни муносабати билан Ўзбекистон касаба уюшмалари Федерациясининг Фарғона вилояти кенгаши томонидан 90 нафар касаба уюшмасига аъзо ишчи-ходимлар ҳамда “Аёллар дафтари”га киритилган аёлларнинг кўҳна ва ҳамиша навқирон Хоразм шаҳрига саёҳати ташкил этилди.

***

11 ноябрь – Ўзбекистон касаба уюшмалари куни муносабати билан Фарғона вилоятидаги “Мурувват” ва “Саховат” уйларида турли маънавий-маърифий тадбирлар ўтказилмоқда.

Хусусан, “Янги Ўзбекистонда эл азиз, инсон азиз” лойиҳаси доирасида Ўзбекистон туманидаги Қудаш “Мурувват” ногиронлиги бўлган шахслар учун аёллар интернат уйида бўлиб ўтган тадбирда халқимизга хос меҳр-саховат, одамийлик фазилатлари яна бир бор намоён бўлди.

Тадбирда иштирок этган Ўзбекистон касаба уюшмалари Федерациясининг Фарғона вилояти Кенгаши раиси Эркинжон Нуралиев “Мурувват” ва “Саховат” уйларига Давлатимиз раҳбари томонидан алоҳида эътибор берилаётганини эътироф этиб, Ўзбекистон касаба уюшмалари ҳам доимий равишда бу ердаги инсонлар ҳолидан хабар олиб, уларга меҳр-саховат улашиб келишини айтиб ўтди.

Файзли дастурхон атрофига жам бўлган аёлларга эсдалик совғалари топширилди.

Ўзбекистон касаба уюшмалари Федерациясининг Фарғона вилояти кенгаши.