28.02.2023. Ўзбекистон металлургия ва машинасозлик саноати тармоқлари ходимлари касаба уюшмаси республика Кенгаши томонидан ташкил этилган “Заковат” интеллектуал ўйинининг Фарғона вилоят босқичи ўтказилди.

Билимлар беллашувида тармоқ тасарруфидаги корхона ва ташкилотларда меҳнат қилаётган ёш ходимлар иштирок этдилар.

Меҳнат жамоаларида иқтидорли ёшларни аниқлаш, уларнинг интеллектуал салоҳиятини юксалтириш, мантиқий фикрлаш доираси ва дунёқарашини кенгайтириш, шу билан бирга, бўш вақтларини мазмунли ўтказишлари мақсадида ташкил этилган “Заковат” интеллектуал ўйини ҳақиқий билимлар беллашувига айланди.

“Заковат” ўйинида “Юксалиш”, “Sungwoo”, “Uz Glass”, “Хонву”, “Турон”, “Эверест” жамоалари беллашдилар. Берилган саволларни жавобини топиш ҳеч бир жамоага осон бўлмади. Айниқса, мантиқий, география, адабиётга оид саволларга жавоб топиш жамоалардан яхшигина билим талаб қилди.

Якунда ғолиблик вилоятдаги йирик корхоналардан бири бўлган “UzSungwoo” МЧЖнинг “UzSungwoo” жамоасига насиб этди ва республика босқичида иштирок этиш билан бирга, Тошкент шаҳрига бепул саёҳат йўлланмасини ҳам қўлга киритдилар.

Ғолиб ва фаол иштирок этган жамоаларга Ўзбекистон металлургия ва машинасозлик саноати тармоқлари ходимлари касаба уюшмаси Фарғона вилоят кенгаши томонидан эсдалик совғалари топширилди.

Жасурбек Розиқов

Ўзбекистон металлургия ва машинасозлик саноати тармоқлари ходимлари касаба уюшмасининг Ёшлар масалалари бўйича раис маслаҳатчиси