Previous Next

27.12.2024. Навоий вилоятида Янги йил байрами арафасида Ўзбекистон касаба уюшмалари Федерациясининг вилоят Кенгаши ходимларининг фарзандлари учун ажойиб байрам ташкил этилди. Кичкинтойлар учун уюштирилган бу байрамда қувонч ва бахт ҳукмрон бўлди.

Байрам дастурида турли хил кўнгилочар тадбирлар, қизиқарли ўйинлар, рақслар ва қўшиқлар ижро этилди. Болалар Янги йил дарахти атрофида рақсга тушиб, Қорбобо ва Қорқиз билан суратга тушишди. Вилоят Кенгаши раиси Назира Тоғаева байрамга ташриф буюриб, кичкинтойларга Янги йил совғаларини топширди. Байрамда иштирок этган барча болаларнинг юзларида қувонч ва бахт акс этди. Улар бу байрамни узоқ вақт эслаб қолишади.

Болажонларга байрам совғалари топширилди

Янги йил байрами муносабати билан Федерациянинг вилоят Кенгаши раиси Назира Тоғаева Хатирчи туманидаги Чангир МФЙда яшовчи беш нафар оғир ижтимоий вазиятдаги хотин-қизларнинг хонадонига бориб, уларни байрам билан табриклади. У Янги йил совғаларини топширди.

Инсон қадр-қимматини юксалтиришга қаратилаётган бундай эътибор учун давлатимиздан жуда миннатдормиз. Бениҳоя хурсандмиз. Айниқса, фарзандларимиз кўзидаги қувончни айтмайсизми! Ўзбекистон касаба уюшмалари Федерацияси мутасадди раҳбарларига ҳам катта раҳмат. Доимо соғ бўлишсин, – деди Насиба Худойназарова.

Тозалик фаришталари учун “Эътибор, эъзоз, эҳтиром!”

Навоий вилояти Маънавият ва маърифат марказида вилоят ҳокимлиги, Ўзбекистон касаба уюшмалари Федерациясининг вилоят Кенгаши, вилоят Маънавият ва маърифат бўлими ҳамкорлигида Янги йил байрами муносабати билан вилоятдаги таълим муассасаларида узоқ йиллар давомида фаолият олиб бораётган тозалик фаришталари учун “Эътибор, эъзоз, эҳтиром!” номли маънавий-маърифий ва маданий байрам тадбири ўтказилди.
Тадбирда Федерациянинг вилоят Кенгаши раиси Назира Тоғаева иштирок этиб, йиғилганларни байрам билан табриклади ва 160 нафар соҳа фидойиларига қимматбаҳо совғалар топширди.

Федерациянинг Навоий вилоят Кенгаши томонидан доимий равишда ижтимоий ҳимояга муҳтож, боқувчисини йўқотган, саломатлигини тиклашга муҳтож хотин-қизларнинг муаммоларини ҳал этиш ва уларга амалий ёрдам кўрсатиш бўйича аниқ тизимли чора-тадбирлар амалга оширилмоқда.

Янги йил байрами муносабати билан Федерациянинг Навоий вилоят Кенгаши раиси Назира Тоғаева Хатирчи туманидаги Чангир МФЙда яшовчи ижтимоий ҳимояга муҳтож хотин-қизларнинг хонадонига бориб, уларни байрам билан табриклади ҳамда озиқ-овқат маҳсулотлари жамланмасини топширди.

Бу каби хайрли тадбирлар Ўзбекистон касаба уюшмалари Федерацияси Навоий вилоят Кенгаши томонидан мунтазам амалга оширилмоқда. Мақсад – аҳолининг ижтимоий ҳимояга муҳтож қатламларини манзилли қўллаб-қувватлаш, уларнинг ҳолидан хабар олиш ва уларга ёрдам кўрсатишдан иборат.

Дилафрўз Ўразова
Ўзбекистон касаба уюшмалари Федерациясининг Навоий вилоят Кенгаши раисининг ёшлар масалалари бўйича маслаҳатчиси