![[:uz]Ўзбекистон касаба уюшмалари Федерациясининг Портали[:ru]Портал Федерации Профсоюзов Узбекистана[:oz]Oʻzbekiston kasaba uyushmalari Federasiyasining Portali[:uzl]Oʼzbekiston kasaba uyushmalari Federatsiyasining Portali[:]](https://kasaba.uz/wp-content/uploads/2024/04/cropped-ohirgi-logo_kasaba_v13-removebg-preview.png){kind=logo}
Ўзбекча 
Русский
20.03.2025. Ўзбекистонда экологик муҳитни яхшилаш ва яшил ҳудудларни кенгайтириш бўйича йирик ташаббуслар амалга оширилмоқда. “Яшил Макон” умумхалқ лойиҳаси доирасида бутун мамлакат бўйлаб дарахт экиш тадбирлари ўтказилмоқда.
Шу жумладан, Хоразм вилояти божхона бошқармаси ходимлари томонидан Янгибозор тумани “Янгиобод” маҳалласида навбатдаги кўчат экиш тадбири ташкил этилди. Ушбу тадбир давомида 2 гектар майдонга 4000 туп тут дарахти кўчатлари экилди.
Бундан ташқари, Хонқа тумани “Дўстлик” маҳалласида Хоразм вилояти прокурорининг ўринбосари Х.Р. Норқобилов раҳбарлигида шунга ўхшаш дарахт экиш акцияси ўтказилди. Баҳор мавсумида вилоят бўйлаб 9 миллион 161 минг туп мевали ва манзарали дарахт ҳамда бута кўчатлари экиш режалаштирилган.
Шунингдек, “Агропилла” МЧЖ ҳудудида 1,1 гектар майдонга мингдан ортиқ тут дарахти кўчатлари экилди. Ушбу тадбирлар яшил ҳудудларни кенгайтириш, экологик барқарорликни таъминлаш ва аҳоли саломатлигини яхшилашга қаратилган.