Previous Next

22.03.2024. Наврўз умумхалқ байрами муносабати билан касаба уюшмалари томонидан турли тадбирлар ташкил этилмоқда. Хусусан, 20 март куни “Биринчи резинотехника заводи”да “Қадриятларинг боқий бўлсин, Наврўз!” шиори остида Наврўз умумхалқ байрами тантанали равишда нишонланди. Ушбу тадбир касаба уюшмаси билан ҳамкорликда ташкил этилган бўлиб, унда ишчи-ходимлар фаол иштирок этдилар.

Байрам доирасида меҳнат жамоалари ўртасида бир қатор ижодий ва кулинар танловлар ўтказилди. Жумладан:

• “Ош танлови” – миллий таомларни тайёрлаш маҳоратлари баҳоланди,
• “Кўклам дастурхони” – баҳорий дид ва эстетика танлови,
• “Деворий газета” – ижодий-рассамлик маҳорати намоёни,
• “Яшил макон” – иш жойини кўкаламзорлаштиришга қаратилган ташаббуслар баҳоланди.

Барча цех ва бўлимлардан жамоалар танловларда фаол иштирок этди. Ғолиблар диплом ва эсдалик совғалари билан тақдирландилар.

“Ош танлови” ғолиблари:

• 1-ўрин — Конвейер тасмалари ишлаб чиқариш цехи
• 2-ўрин — Таъминотни бошқариш бўлими
• 3-ўрин — Бош энергетик бўлими жамоаси

“Кўклам дастурхони” танлови ғолиблари:

• 1-ўрин — Бош энергетик жамоаси
• 2-ўрин — Ахборот технологиялари жамоаси
• 3-ўрин — Маҳсулотлар индустриализацияси жамоаси

“Деворий газета” танлови ғолиблари:

• 1-ўрин — Бош энергетик жамоаси
• 2-ўрин — Лаборатория жамоаси
• 3-ўрин — Ходимлар билан ишлаш бўлими жамоаси

“Яшил макон” танлови ғолиблари:

• 1-ўрин — Бош энергетик
• 2-ўрин — Резиноқоришма цехи
• 3-ўрин — Хомашё омбори жамоаси

Ушбу байрамкор тадбир завод жамоасига нафaқат миллий қадриятларимизни улуғлаш, балки жамоавий бирлик, ҳамжиҳатлик ва ижодкорлик муҳитини янада мустаҳкамлашга хизмат қилди.