Previous Next

26.03.2025. Бугун завод миқёсида касаба уюшмасининг ҳисобот-сайлов конференцияси бўлиб ўтди. Унда касаба уюшмаси раиси Хамдамов Шуҳрат Хамракулович 2020–2025 йиллар давомида амалга оширилган ишлар бўйича ҳисобот берди. Фаолияти “қониқарли” деб баҳоланиб, у яна ушбу лавозимга қайта сайланди.

Шунингдек, иш берувчи вакили сифатида конференцияда “СамАвто” МЧЖ Қ.К. бош директорининг техник масалалар бўйича ўринбосари Ҳусен Самиевич Кобилов қатнашди. У иш берувчи номидан ҳисобот бериб, амалга оширилган ишлар бўйича маълумот тақдим этди. Конференция давомида касаба уюшмаси ва иш берувчи ўртасидаги ҳамкорлик юзасидан муҳокамалар ўтказилди.

Йиғилиш натижалари бўйича:

• Касаба уюшма қўмитаси таркиби шакллантирилди.

• Тафтиш комиссияси ва унинг раиси сайланди.

• 2025 йил июнь ойида бўлиб ўтадиган вилоят конференциясига делегатлар тасдиқланди.

Конференцияда меҳмон сифатида касаба уюшмалари раҳбарлари иштирок этди:

Аҳмаджон Маҳмудович Хақулов – Ўзбекистон металлургия ва машинасозлик саноати ходимлари касаба уюшмаси Республика Кенгаши раиси;

Илҳомжон Иброҳимович Камолов – Республика Кенгаши ташкилий ишлар бўлими мудири;

Олимхон Абдусаматович Мирзаев – тармоқ касаба уюшмаси Самарқанд вилояти Кенгаши раиси.