29.08.2025. Зангиота туманидаги ёпиқ сузиш ҳавзасида спортнинг сузиш тури бўйича мустақиллигимизнинг 34 йиллиги ҳамда Ўзбекистон касаба уюшмаларининг 120 йиллиги муносабати билан “Ватан учун, миллат учун, халқ учун!” шиори остида “Ўзбекистон касаба уюшмалари Федерацияси Тошкент вилояти Кенгаши раиси кубоги” спорт мусобақаси бўлиб ўтди.
Спорт мусобақасини Ўзбекистон касаба уюшмалари Федерацияси Тошкент вилояти Кенгаши раиси С.Файзиева ҳамда вилоят ҳокимининг ўринбосари, Оила ва хотин-қизлар бошқармаси бошлиғи Н.Нормирзаева очиб берди ва иштирокчиларга омад тилади.
Мусобақа спортнинг сузиш тури бўйича бўлиб, унда Тошкент вилоятининг йигирма иккита туман ва шаҳаридан уч ёш тоифасида 66 нафар хотин-қизлар фаоллари иштирок этди.
Мусобақа қизғин рақобат муҳитида, байрамона ва кўтаринки кайфиятда ўтди.
Умумжамоа ҳисобига кўра, спорт мусобақасининг якуний натижалари қуйидагича кўриниш олди:
1-ўрин – Қуйи Чирчиқ тумани
2-ўрин – Бекобод шаҳри
3-ўрин – Бўка тумани
Мусобақа якунида ғолиб ва совриндорлар ташкилотчилар томонидан “Ўзбекистон касаба уюшмалари Федерацияси Тошкент вилояти Кенгаши раиси кубоги” ҳамда эсдалик совғалари билан тақдирланди.