07.11.2022. 11 ноябрь – Ўзбекистон касаба уюшмалари куни муносабати билан Транспорт, йўл ва капитал қурилиш, қурилиш индустрияси ходимлари касаба уюшмаси Тошкент шаҳар кенгаши томонидан тизимдаги корхона, ташкилот ва муассасаларда турли маънавий-маърифий тадбирлар ўтказилмоқда.

Тошкент вилояти Бўстонлиқ туманидаги «Layner Mountain Resort» МЧЖ тоғ-курорт комплексида тармоқ касаба уюшмалари фаоллари ўртасида ўтказилган спорт мусобақалари ҳам шу мақсадда ташкил этилди.

50 нафарга яқин касаба уюшма фаоли иштирок этган мусобақаларда «Шашка», «Стол тенниси» ҳамда «Дартс» спорт турлари бўйича қизғин баҳслар бўлиб ўтди.

Ғолиблар эсдалик совғалар билан тақдирландилар.

Ҳусниддин Саидалиев

Транспорт, йўл ва капитал қурилиш, қурилиш индустрияси ходимлари касаба уюшмаси Тошкент шаҳар кенгаши раиси