25.12.2015. Обод юртимизга байрамлар ярашади. Мамлакатимизда ўтказилаётган меҳр-мурувват  ойлигида касаба уюшма ташкилотлари ҳам фаол иштирок этмоқдалар. Инсонларнинг кўнглини кўтариш, уларни моддий ва маънавий жиҳатдан  қўллаб-қувватлаш каби хайрли ишлар амалга оширилмоқда.

Хусусан, “Касаба уюшмалари болаларга” акцияси доирасида эшик қоқиб келаётган Янги йил байрами муносабати билан ижтимоий ҳимояталаб оилалар, хизмат вазифасини бажариш чоғида ҳалок бўлган ҳарбий хизматчилар оилалари, Меҳрибонлик уйлари тарбияланувчилари учун маданий тадбирлар ташкил этилмоқда.

Шундай тадбирлардан бири пойтахтимиздаги “SOS – Ўзбекистон  болалар маҳалласида”да бўлиб ўтди. Унда болажонларга санъаткорлар, турли эртак қахрамонлари иштирокида байрам концерт дастури намойиш этилиб, 83 нафар ўғил-қизларга  байрам совғалари тақдим этилди.

Бу каби тадбирлар мамлакатимиз бўйлаб давом этмоқда.