Click to listen highlighted text!

Инсонга наф келтириш - олий бахт!

(+99871)

252-21-18

Манзил: 100165, Тошкент ш., Бухоро куч., 24 Регламент

Касаба уюшмалари пахта йиғим теримида қатнашаётган теримчилар учун яратилган шароитлар юзасидан жамоат назоратини олиб бормоқда

12.10.2018. Бугунги кунда мамлакатимизда пахта терими мавсуми давом этмоқда. Пахта йиғим терими мавсумида теримчиларга етарли шарт-шароитларни яратиш, уларни сифатли озиқ-овқат маҳсулотлари билан таъминлаш ишларининг қай даражада ташкил этилганлиги бўйича Ўзбекистон касаба уюшмалари Федерацияси томонидан жамоат назорати олиб борилмоқда.

Шу мақсадда куни кеча касаба уюшмалари мутахассислари пахта йиғим-теримида қатнашаётган теримчилар учун яратилган шароитларини комплекс ўрганиш мақсадида Жиззах вилоятининг Арнасой туманида бўлиб, тумандаги Улуғбек, Б.Файзиев, Қозоғистон, Мустақиллик, Хоразм номли Сув истеъмолчилари уюшмаларининг пахта далаларида теримчиларга яратилган шароитларни ўргандилар.

Теримчилар, отряд раҳбарлари ва фермерлар билан мулоқот натижасида теримчиларнинг ичимлик суви билан узлуксиз равишда таъминланганлиги, уларга 2 маҳал етарли калориядаги иссиқ овқат берилиши ташкил этилганлиги ҳамда ҳар кунлик иш ҳақлари ўз вақтида бериб борилаётганлиги маълум бўлди.

Шу билан бирга айрим жойларда меҳнат ва яшаш шароитларининг минимал меъёрларига амал қилинмаётгани ҳам маълум бўлди. Хусусан, ошхона ва овқатланиш жойларининг талаб даражасида ташкил этилмаганлиги, ювиниш жойлари, душхоналар ва хожатхоналарнинг керакли меъёрда ташкил этилмаганлиги, аёллар гигиенаси хонаси мавжуд эмаслиги аниқланди.

Касаба уюшмалари мутахассислари томонидан аниқланган барча камчиликликлар тўғрисида фермерга ҳамда отряд раҳбарига тегишли тавсиялар берилиб, камчиликларнинг деярли 90% фоизи жойида бартараф этилди.

Қолган камчиликлар юзасидан вилоят ҳокимлигига тақдимнома киритилди.

Click to listen highlighted text!