Previous Next

08.01.2025. Muhtaram Yurtboshimiz tashabbusi bilan joriy etilgan “Ayollar daftari” tizimi boshqa hech bir mamlakatda uchramaydigan noyob mexanizm bo‘lib, bu orqali yurtimiz xotin-qizlarini qiynab kelayotgan muammolar hal etilishiga erishilmoqda. Natijada jamiyatimizda muhim o‘rin tutuvchi opa-singillarimizning turmush farovonligi oshirilib, hayotdan rozi bo‘lib yashashlariga zamin yaratilmoqda.

Shu kunlarda mamlakatimiz miqyosida “Ayollar daftari” tizimining 6-bosqich jarayonlariga start berilgani ham islohotlarning mantiqiy davomidir.
Prezidentimiz tashabbuslari bilan hayotga tatbiq etilgan mazkur tizim orqali xotin-qizlar muammolarini aniqlash, tizimli amaliy yordamlar ko‘rsatish orqali ularning muammolarini bartaraf etish hamda ehtiyojmand xotin-qizlar turmush farovonligini oshirish maqsad qilingan.

Bugun, 6-yanvar kuni O‘zbekiston kasaba uyushmalari Federatsiyasining Farg‘ona viloyati Kengashi tomonidan “Ayollar daftari”ning 6-bosqichi boshlanishi oldidan amaliy seminar o‘tkazildi.

Unda viloyat studiyasidan “Ayollar daftari” tizimining 6-bosqichi yuzasidan Jamoatchilik nazoratini o‘rnatish bo‘yicha Farg‘ona viloyatiga biriktirilgan vakil – viloyat shtabi rahbari A.Salixov, viloyat hokimi o‘rinbosari – Oila va xotin-qizlar boshqarmasi boshlig‘i K.Kavlonova, O‘zbekiston kasaba uyushmalari Federatsiyasining Farg‘ona viloyati Kengashi raisi E.Nuraliyev, viloyat sektorlari rahbarlari o‘rinbosarlari, Mahallalar uyushmasi, Kambag‘allikni qisqartirish va bandlik boshqarmasi, Moliya va iqtisodiyot boshqarmasi, Markaziy bank va tijorat banklari, Ijtimoiy himoya milliy agentligi, Fermer, dehqon xo‘jaliklari va tomorqa yer egalari Kengashi va boshqa masʼul boshqarmalar rahbarlari hamda tuman-shahar hokimliklarida tashkil etilgan studiyalardan O‘zbekiston kasaba uyushmalari Federatsiyasi tomonidan tuman-shaharlarga biriktirilgan mas’ul xodimlar, tuman-shahar hokimlarining o‘rinbosarlari, viloyat studiyasidan qatnashgan boshqarmalarning hududlardagi rahbarlari hamda mahallalardagi yettiliklar to‘liq tarkibda ishtirok etdilar.

Seminarda “Ayollar daftari” tizimining 6-bosqichi yuzasidan Jamoatchilik nazoratini o‘rnatish bo‘yicha Farg‘ona viloyatiga biriktirilgan vakil – viloyat shtabi rahbari A.Salixov “Ayollar daftari”ning 6-bosqichida amalga oshiriladigan ishlar xususida so‘z yuritib, oldingi bosqichlarda yo‘l qo‘yilgan kamchiliklarni bartaraf etish, mahallalar yettiligi tomonidan xatlov jarayonlari sifatli tashkil etilishi, ijtimoiy himoyaga muhtoj ayollar e’tibordan chetda qolmasligini alohida ta’kidladi.

Shuningdek, joylarda ehtiyojmand xotin-qizlar bilan xonadonma-xonadon yurib, suhbatlar o‘tkazish orqali ularni qiynayotgan muammolar aniqlash hamda “Ayollar daftari” orqali ularga manzilli yordam ko‘rsatish kabi mezonlar xususida tegishli tavsiyalar berildi.

O‘zbekiston kasaba uyushmalari Federatsiyasining Farg‘ona viloyati Kengashi