Previous Next

07.02.2025. O‘zbekiston kasaba uyushmalari harakatining 120 yillik yubiley bayrami munosabati bilan Samarqand davlat chet tillar institutida O‘zbekiston kasaba uyushmalari Federatsiyasining Samarqand viloyat Kengashi raisi Suxrob Rafikov ishtirokida “Rahbar va Yoshlar” uchrashuvi tashkil etildi.

Uchrashuvda Samarqand davlat chet tillar institutining yoshlar masalalari va ma’naviy-ma’rifiy ishlar bo‘yicha birinchi prorektori Azamat Kuraxmedov, institut xodimlari hamda 200 nafar talaba yoshlar ishtirok etdi.

Tadbirda so‘zga chiqqan viloyat Kengashi raisi Suxrob Rafikov mamlakatimizda Prezident tashabbusi bilan amalga oshirilayotgan keng ko‘lamli islohotlar, yoshlarga yaratilayotgan ulkan imkoniyatlar haqida so‘z yuritib, yoshlarni bu imkoniyatlardan unumli foydalanishga chaqirdi. Shuningdek, O‘zbekiston kasaba uyushmalari harakatining 120 yillik tarixi va xodimlarning ijtimoiy-iqtisodiy manfaatlarini himoya qilish borasida amalga oshirilayotgan keng ko‘lamli ishlar haqida ham ma’lumot berildi.

Institutda t’yutor vazifasida faoliyat yurituvchi Jamshid Norboev mehnat nizolarini bartaraf etishda kasaba uyushmalarining roli to‘g‘risidagi savoli bilan chiqdi. Shuningdek, talabalar o‘zlarini qiziqtirgan kasaba uyushmalari faoliyatiga oid savollariga batafsil javob olishdi.

Tadbir davomida institut talabasi Latipova Ra’noxonga O‘zbekiston kasaba uyushmalari Federatsiyasining stipendiyasi tayinlangani to‘g‘risida sertifikat topshirildi.

Uchrashuv so‘ngida Samarqand davlat chet tillar institutining bir guruh faol xodimlari va talabalariga O‘zbekiston kasaba uyushmalari Federatsiyasi Samarqand viloyat Kengashi tomonidan kitoblar hamda Xorazm viloyatiga tashkil etiladigan uch kunlik bepul sayohatlarga yuborish sertifikatlari taqdim etildi.