Previous Next

20.03.2025. Italiyada bo‘lib o‘tgan Para suzish bo‘yicha Jahon seriyasi musobaqasida Navoiy viloyati Sportning suv turlariga ixtisoslashgan sport maktabi sportchisi Sardor Baxtiyorov yurtimiz sharafini munosib himoya qilib, 2 ta oltin medalni qo‘lga kiritdi.

Navoiy shahrida ushbu g‘alaba sharafiga katta kutib olish marosimi bo‘lib o‘tdi. Tadbirda O‘zbekiston kasaba uyushmalari federatsiyasi Navoiy viloyat kengashi hamda viloyat suzish federatsiyasi raisi Nazira Tog‘aeva, Navoiy viloyat sport boshqarmasi boshlig‘i Jasur Murtozaev hamda sportchi muxlislari ishtirok etdi.

Shundan so‘ng O‘zbekiston kasaba uyushmalari federatsiyasi Navoiy viloyat kengashida tantanali taqdirlash marosimi bo‘lib o‘tdi. Unda viloyat kengashining xodimlari, tarmoq kasaba uyushmalari raislari va mas’ul tashkilotchilari, faol yoshlar, sportchining murabbiysi hamda OAV vakillari qatnashdi.

Taqdirlash marosimida viloyat suzish federatsiyasi raisi N. Tog‘aeva so‘zga chiqib, oltin medallar sohibi S. Baxtiyorovni va uning murabbiysini yuksak g‘alaba bilan tabrikladi hamda maxsus sovg‘a — noutbukni topshirdi. Shundan so‘ng O‘zbekiston Ta’lim va fan xodimlari kasaba uyushmasi Respublika Kengashi raisi o‘rinbosari Mahmud Boboyorov ham so‘zga chiqib, sportchining keyingi musobaqalardagi ishtirokiga omad tiladi va erishilgan g‘alaba bilan muborakbod etdi.