[:uz]Ўзбекистон касаба уюшмалари Федерациясининг Портали[:ru]Портал Федерации Профсоюзов Узбекистана[:oz]Oʻzbekiston kasaba uyushmalari Federasiyasining Portali[:uzl]Oʼzbekiston kasaba uyushmalari Federatsiyasining Portali[:]
+998 71 252-21-18

Sayt sinov tariqasida ishga tushirilgan

Navro‘z bayramida sport va an’analar: “UzAuto Motors”da bayram tadbirlari

20.03.2025

15

20.03.2025. O‘zbekiston metallurgiya va mashinasozlik sanoati tarmoqlari xodimlari kasaba uyushmasi boshlang‘ich kasaba uyushmalari tashkilotlari tomonidan O‘zbekiston kasaba uyushmalarining 120 yilligi bayram tadbirlari doirasida “UzAuto Motors” AJ Xorazm viloyati filialida 21-mart – “Navro‘z” umumxalq bayramiga bag‘ishlab, bo‘linma va sexlar sport jamoalari o‘rtasida turli sport musobaqalari tashkil etildi.

Erkaklar o‘rtasida mini-futbol, arqon tortish, tosh ko‘tarish, shaxmat, shashka, yugurish, turnikda tortilish, stol tennisi musobaqalari o‘tkazildi. Ayollar esa yugurish, shashka, darts va disk uloqtirish bo‘yicha bellashdilar.

Sport musobaqalari g‘oliblari ish beruvchi va kasaba uyushma qo‘mitasi tomonidan qimmatbaho sovg‘alar bilan taqdirlandi.

Shuningdek, “UzAuto Motors” AJ Xorazm viloyati filialida kasaba uyushmasi tashabbusi bilan “An’ana, urf-odat va qadriyat” mavzusida “Ma’rifat soatlari” o‘tkazildi. Bayram munosabati bilan xayriya ishlari amalga oshirildi hamda ishchi-xodimlar tomonidan Navro‘zning asosiy taomlaridan biri – sumalak tayyorlandi.