Previous Next

26.03.2025. 2025 yil 25 mart kuni «Toshshahartransxizmat» AJ «5-Avtobus saroyi» filialida kasaba uyushma tashkilotining hisobot-saylov yig‘ilishi o‘tkazildi. Yig‘ilishda O‘zbekiston transport, yo‘l va kapital qurilish, qurilish industriyasi xodimlari kasaba uyushmasi Respublika Kengashi raisi o‘rinbosari Sh. Muxamedxanov va tarmoq Toshkent shahar Kengashi raisi X. Saydaliev ishtirok etdilar.

Majlisda hisobot davrida amalga oshirilgan ishlar to‘g‘risida kun tartibidagi 2020 yil mart oyidan 2025 yil mart oyi oralig‘ida erishilgan natijalar bo‘yicha direktor Abduqodirov Murod Yo‘ldoshevich, kasaba uyushmasi qo‘mitasi raisi Nishanova Rayxona Jo‘raxonovna va taftish komissiyasi hisobotlari eshitildi. So‘zga chiquvchilar tomonidan hisobot davrida amalga oshirilgan ishlarga tegishli baholar berildi. Shuningdek, boshlang‘ich kasaba uyushma qo‘mitasi tarkibi va boshlang‘ich tashkilot raisini saylash masalasi ko‘rib chiqildi. Ko‘rsatilgan ikkita nomzoddan R. Nishanova nomzodi mehnat jamoasi tomonidan bir ovozdan ma’qullandi. Yig‘ilish kun tartibidagi masalalar muhokama qilindi, ko‘tarilgan savollarga mutasaddilar tomonidan javob berildi va kelgusidagi vazifalar belgilab olindi.