Previous Next

27.03.2025. Bugun, 2025 yil 26 mart kuni, «Toshshahartransxizmat» AJ «7-Avtobus saroyi» filialida kasaba uyushma tashkilotining hisobot-saylov yig‘ilishi bo‘lib o‘tdi.

Yig‘ilishda O‘zbekiston kasaba uyushmalari Federatsiyasining Toshkent shahar Kengashi mutaxassisi Ravshan Maxamadaliev va O‘zbekiston transport, yo‘l va kapital qurilish, qurilish industriyasi xodimlari kasaba uyushmasi Toshkent shahar Kengashi raisi Xusniddin Saydaliev ishtirok etdilar.

Majlisda kun tartibidagi masalalar muhokama qilindi. Jumladan, 2020 yil mart oyidan 2025 yil mart oyigacha bo‘lgan hisobot davrida amalga oshirilgan ishlar bo‘yicha direktor Nodirxon Mansurovich Xodjaev, kasaba uyushmasi qo‘mitasi raisi Boxodir Xasanovich Jalolov va taftish komissiyasi hisobotlari eshitildi.

So‘zga chiqqanlar hisobot davrida amalga oshirilgan ishlar yuzasidan tegishli baholarni berdilar. Shuningdek, boshlang‘ich kasaba uyushmasi qo‘mitasi tarkibi va boshlang‘ich tashkilot raisi saylovi bo‘yicha masalalar ko‘rib chiqildi. Ko‘rsatilgan ikkita nomzoddan Boxodir Xasanovich Jalolov mehnat jamoasi tomonidan bir ovozdan ma’qullandi.

Yig‘ilishda kun tartibidagi masalalar muhokama qilinib, ko‘tarilgan savollarga mutasaddilar tomonidan javob berildi va kelgusi vazifalar belgilab olindi.