Previous Next

27.03.2025. “Biokimyo” AJ kasaba uyushmasi tashkilotining hisobot-saylov konferensiyasi o‘tkazildi.

Konferensiyada Kimyo va farmasevtika sanoati xodimlari kasaba uyushmasi Respublika kengashining ijtimoiy himoya masalalari bo‘yicha bosh mutaxassisi N. Muzapparova va tashkiliy ishlar bo‘yicha bosh mutaxassisi B. Quvatov, korxona kasaba uyushmasi qo‘mitasi raisi E. Nishonaliev hamda ishlab chiqarish sexlaridan saylangan delegatlar ishtirok etdilar.

Konferensiyada tashkilotning 2020–2025 yillarda olib borilgan faoliyati yuzasidan kasaba uyushmasi qo‘mitasi raisi Elmurod Nishonaliev va taftish komissiyasining hisobotlari eshitildi. Delegatlar tomonidan kasaba uyushmasi qo‘mitasi faoliyati “qoniqarli” deb baholandi va taftish komissiyasining hisoboti tasdiqlandi.

Konferensiya kun tartibiga ko‘ra, tashkiliy masala ko‘rildi. Unda yashirin ovoz berish yo‘li bilan, muqobillik asosida, “Biokimyo” AJ boshlang‘ich kasaba uyushmasi qo‘mitasi raisi lavozimiga ko‘pchilik ovoz bilan Nishonaliev Elmurod Baxodirovich saylandi. Shuningdek, kasaba uyushmasi qo‘mitasining tarkibi, taftish komissiyasi tarkibi va uning raisi hamda yuqori kasaba uyushmasi organiga delegatlar saylandi.

Respublika kengashi vakillari O‘zbekiston kasaba uyushmalarining 120 yilligi munosabati bilan ma’ruza qilib, tarixiy rivojlanish bosqichlari va bugungi kunda olib borilayotgan faoliyat haqida ma’lumot berib o‘tdilar.

Delegatlar tomonidan kasaba uyushmasi faoliyatini yanada rivojlantirish yuzasidan takliflar bildirildi.

Shavkat Toirov

Kimyo va farmasevtika sanoati xodimlari kasaba uyushmasi Respublika kengashi raisining yoshlar masalalari bo‘yicha maslahatchisi