Previous Next

28.03.2025. 2025 yil 27 mart kuni Navoiy shahar politexnikumi kasaba uyushma tashkilotining hisobot-saylov yig‘ilishi o‘tkazildi. Yig‘ilishda O‘zbekiston transport, yo‘l va kapital qurilish, qurilish industriyasi xodimlari kasaba uyushmasi Navoiy viloyat Kengashi raisi N. Yuldasheva taklif etildi.

Majlisda hisobot davrida amalga oshirilgan ishlar to‘g‘risida kun tartibidagi 2020 yil mart oyidan 2025 yil mart oyigacha bo‘lgan davrda erishilgan natijalar bo‘yicha kasaba uyushmasi qo‘mitasi raisi Davronov Alijon Abduvalievichning hisoboti eshitildi. So‘zga chiquvchilar tomonidan hisobot davrida amalga oshirilgan ishlarga “qoniqarli” deb baho berildi. Shuningdek, boshlang‘ich kasaba uyushma qo‘mitasi tarkibi va boshlang‘ich tashkilot raisini saylash masalasi ko‘rib chiqildi.

Taklif etilgan nomzod kasaba uyushmasi a’zolarining ko‘pchilik ovozi, ya’ni 89 % ovoz bilan, qayta Navoiy shahar politexnikumi kasaba uyushma qo‘mitasi raisi etib saylandi.

Yig‘ilish kun tartibidagi masalalar muhokama qilindi, ko‘tarilgan savollar va takliflar inobatga olinib, kelgusidagi ustuvor vazifalar belgilab olindi.

Shu kunning o‘zidayoq Navoiy shahar politexnikumida xodimlarni ijtimoiy-iqtisodiy muhofaza etish yuzasidan 2023–2025 yillar uchun tuzilgan jamoa shartnomasining 2024 yilda bajarilishi bo‘yicha ham mehnat jamoasining umumiy yig‘ilishi o‘tkazildi. Yig‘ilishda har ikkala tomonning hisobotlari eshitildi.

Berilgan taklif va savollarga ish beruvchi Sh. Jumaev va kasaba uyushma qo‘mitasi raisi A. Davronov tomonidan to‘liq javob berildi. Takliflar inobatga olinib, tegishli qarorlar qabul qilindi.