Previous Next

02.04.2025. O‘zbekiston ta’lim va fan xodimlari kasaba uyushmasi Qiziltepa tuman bo‘linmasi kengashi tomonidan “O‘zbekiston kasaba uyushmalari harakatining 120 yillik bayrami”ga bag‘ishlab, O‘zbekiston ta’lim va fan xodimlari kasaba uyushmasi Respublika kengashining sovrini uchun “Kasaba uyushmalari kecha, bugun va ertaga” esselar hamda “Kasaba uyushmalari mening hayotimda” ijtimoiy roliklar ko‘rik-tanlovlarining tuman bosqichi bo‘lib o‘tdi.

Tanlovda ishtirok etgan o‘qituvchilar va ta’lim sohasi xodimlari o‘z ijodiy ishlarida kasaba uyushmalarining o‘tmishdagi faoliyati, bugungi kundagi ahamiyati va kelajakdagi istiqbollari haqida yozishdi. Shuningdek, ijtimoiy roliklarda kasaba uyushmalarining jamiyatda tutgan o‘rni, ularning xodimlar manfaatlarini himoya qilishdagi roli va mehnatkashlarning hayotidagi ahamiyati aks ettirildi.

Tanlov jarayonini shaffof va adolatli o‘tkazish maqsadida faoliyatni baholash bo‘yicha komissiya tarkibiga mutaxassislar jalb qilindi. Ular ishtirokchilarning ishlarini turli mezonlar asosida tahlil qilib, ijodiy yondashuv, mavzudan chuqur foydalanish, ijtimoiy ahamiyatli g‘oyalarni ilgari surish va texnik ijroga alohida e’tibor qaratdilar.

Natijada, ko‘rik-tanlovning tuman bosqichida 39-maktab o‘qituvchisi L. Nazarova tomonidan yozilgan esse yuqori baholanib, viloyat bosqichiga yo‘llanma oldi. Shuningdek, yuqori ijodiy mahorati va fikrlarining chuqurligi bilan ajralib turgan ishtirokchilardan 1-, 2- va 3-o‘rinni egallagan g‘oliblar aniqlandi va tuman kengashi tomonidan munosib ravishda rag‘batlantirildi.

Tanlov jarayonida ishtirokchilarning faolligi, kasaba uyushmalarining mehnatkashlar hayotida tutgan o‘rni haqidagi chuqur fikrlari va ijtimoiy muammolarga nisbatan faol munosabati yana bir bor tasdiqlandi. Bu kabi tanlovlar sohada faoliyat yuritayotgan xodimlarning ijodiy salohiyatini yuksaltirish, ularning huquqiy ongini oshirish va kasaba uyushmalarining ahamiyatini keng jamoatchilikka yetkazishda muhim ahamiyat kasb etadi.

O‘zbekiston ta’lim va fan xodimlari kasaba uyushmasi Qiziltepa tuman bo‘linmasi kengashi