Previous Next

29.08.2025. Joriy yilning 29 avgust kuni Navoiy shahridagi sportning o‘yin turlari va yengil atletikaga ixtisoslashtirilgan sport maktabi binosida Mustaqilligimizning 34 yilligi hamda O‘zbekiston kasaba uyushmalari harakatining 120 yilligi munosabati bilan «Vatan uchun, millat uchun, xalq uchun!» shiori ostida yosh xodimlar o‘rtasida stol tennisi bo‘yicha musobaqa bo‘lib o‘tdi. Ushbu sport tadbiri O‘zbekiston kasaba uyushmalari Federatsiyasining Navoiy viloyat Kengashi tashabbusi hamda viloyat sport boshqarmasi hamkorligida tashkil etildi.

Musobaqani ochish marosimida viloyat Kengashi raisi o‘rinbosari Xurshid Xalilov hamda viloyat sport boshqarmasi boshlig‘i o‘rinbosari Zokir Abdiev so‘zga chiqib, tadbirning ahamiyati haqida to‘xtalib o‘tdilar. Ular, jumladan, bu kabi tadbirlar yoshlar o‘rtasidagi do‘stlik rishtalarini mustahkamlash, hamkorlik muhitini rivojlantirish va sport orqali salomatlikni ta’minlashda muhim o‘rin tutayotganini ta’kidladi.

Musobaqa natijalariga ko‘ra g‘olib va sovrindorlar quyidagicha e’lon qilindi:

Ayollar o‘rtasida:
1-o‘rin: Rajabova Sevara Abdulla qizi – sport maktabi psixologi, o‘qituvchi
2-o‘rin: Toirova Qunduzoy Azimjonovna – Navoiy shahar 4-maktabi geografiya fani o‘qituvchisi
3-o‘rin: Rahmatullaeva Mohinur Xusniddin qizi – «Qizilqumsement» AJ, elektr ta’mirlash bo‘limi, mehnatni me’yorlashtirish bo‘yicha texnik

Erkaklar o‘rtasida:
1-o‘rin: Sayfullaev Doston Faxriddin o‘g‘li – Navoiy viloyati SEO va JSB bo‘limi boshlig‘i, vrach
2-o‘rin: Pirnazarov Ilhom Alimardon o‘g‘li – «Qizilqumsement» AJ, qurilish nazorati bo‘yicha yetakchi muhandis
3-o‘rin: Xolmurodov Jo‘rabek Dilmurod o‘g‘li – «Navoiyazot» AJ, 68-sex, chilangar

G‘oliblar O‘zbekiston kasaba uyushmalari Federatsiyasining Navoiy viloyat Kengashi tomonidan diplom va esdalik sovg‘alari bilan taqdirlandi.