Previous Next

29.08.2025. Zangiota tumanidagi yopiq suzish havzasida sportning suzish turi bo‘yicha mustaqilligimizning 34 yilligi hamda O‘zbekiston kasaba uyushmalarining 120 yilligi munosabati bilan “Vatan uchun, millat uchun, xalq uchun!” shiori ostida “O‘zbekiston kasaba uyushmalari Federatsiyasi Toshkent viloyati Kengashi raisi kubogi” sport musobaqasi bo‘lib o‘tdi.

Sport musobaqasini O‘zbekiston kasaba uyushmalari Federatsiyasi Toshkent viloyati Kengashi raisi S.Fayzieva hamda viloyat hokimining o‘rinbosari, Oila va xotin-qizlar boshqarmasi boshlig‘i N.Normirzaeva ochib berdi va ishtirokchilarga omad tiladi.

Musobaqa sportning suzish turi bo‘yicha bo‘lib, unda Toshkent viloyatining yigirma ikkita tuman va shaharidan uch yosh toifasida 66 nafar xotin-qizlar faollari ishtirok etdi.

Musobaqa qizg‘in raqobat muhitida, bayramona va ko‘tarinki kayfiyatda o‘tdi.

Umumjamoa hisobiga ko‘ra, sport musobaqasining yakuniy natijalari quyidagicha ko‘rinish oldi:
1-o‘rin – Quyi Chirchiq tumani
2-o‘rin – Bekobod shahri
3-o‘rin – Bo‘ka tumani

Musobaqa yakunida g‘olib va sovrindorlar tashkilotchilar tomonidan “O‘zbekiston kasaba uyushmalari Federatsiyasi Toshkent viloyati Kengashi raisi kubogi” hamda esdalik sovg‘alari bilan taqdirlandi.