Previous Next

26.11.2025. 2025 yil 21 noyabr’ kuni “Tibbiyot xodimlari kuni” hamda “11 noyabr’ — O‘zbekiston kasaba uyushmalari kuni” munosabati bilan “Respublika ixtisoslashtirilgan ona va bola salomatligi ilmiy-amaliy tibbiyot markazi” davlat muassasasida markaz filiallari o‘rtasida “Yilning eng faol va mahoratli markazi” ko‘rik-tanlovi o‘tkazildi.

Ko‘rik-tanlovda turli hududlardan ishtirok etgan markazlar o‘z faoliyati, amalga oshirgan loyihalari, xizmat sifatini yaxshilash yo‘lidagi tashabbuslari hamda jamoaning kasbiy mahorat darajasini taqdim etdilar. Ko‘rik-tanlov doirasida ishtirokchilarning kasbiy saviyasini baholash maqsadida mehnat qonunchiligi bo‘yicha savol-javob bo‘limi ham tashkil etildi.

Hay’at a’zolari tomonidan markazlarning yil davomidagi faoliyati, innovasion yondashuvlari, xizmatlarni tashkil etishdagi samaradorligi, jamoadagi faollik va qonunchilikka rioya etish darajasi atroflicha o‘rganildi.

Ko‘rik-tanlov yakuniga ko‘ra quyidagilar g‘olib deb topildi:

1-o‘rin: Respublika ixtisoslashtirilgan ona va bola salomatligi ilmiy-amaliy tibbiyot markazi Qashqadaryo viloyati filiali;

2-o‘rin: Respublika ixtisoslashtirilgan ona va bola salomatligi ilmiy-amaliy tibbiyot markazi Sirdaryo viloyati filiali;

3-o‘rin: Respublika ixtisoslashtirilgan ona va bola salomatligi ilmiy-amaliy tibbiyot markazi Qoraqalpog‘iston Respublikasi filiali.

Ko‘rik-tanlov natijalariga ko‘ra, g‘olib deb topilgan markazlar O‘zbekiston sog‘liqni saqlash xodimlari kasaba uyushmasi Respublika Kengashi tomonidan esdalik sovg‘alari bilan taqdirlandi.