[:uz]Ўзбекистон касаба уюшмалари Федерациясининг Портали[:ru]Портал Федерации Профсоюзов Узбекистана[:oz]Oʻzbekiston kasaba uyushmalari Federasiyasining Portali[:uzl]Oʼzbekiston kasaba uyushmalari Federatsiyasining Portali[:]

Sayt sinov tariqasida ishga tushirilgan

20.03.2025. O‘zbekistonda ekologik muhitni yaxshilash va yashil hududlarni kengaytirish bo‘yicha yirik tashabbuslar amalga oshirilmoqda. “Yashil Makon” umumxalq loyihasi doirasida butun mamlakat bo‘ylab daraxt ekish tadbirlari o‘tkazilmoqda.

Shu jumladan, Xorazm viloyati bojxona boshqarmasi xodimlari tomonidan Yangibozor tumani “Yangiobod” mahallasida navbatdagi ko‘chat ekish tadbiri tashkil etildi. Ushbu tadbir davomida 2 gektar maydonga 4000 tup tut daraxti ko‘chatlari ekildi.

Bundan tashqari, Xonqa tumani “Do‘stlik” mahallasida Xorazm viloyati prokurorining o‘rinbosari X.R. Norqobilov rahbarligida shunga o‘xshash daraxt ekish aksiyasi o‘tkazildi. Bahor mavsumida viloyat bo‘ylab 9 million 161 ming tup mevali va manzarali daraxt hamda buta ko‘chatlari ekish rejalashtirilgan.

Shuningdek, “Agropilla” MChJ hududida 1,1 gektar maydonga mingdan ortiq tut daraxti ko‘chatlari ekildi. Ushbu tadbirlar yashil hududlarni kengaytirish, ekologik barqarorlikni ta’minlash va aholi salomatligini yaxshilashga qaratilgan.