Previous Next

22.03.2024. Navro‘z umumxalq bayrami munosabati bilan kasaba uyushmalari tomonidan turli tadbirlar tashkil etilmoqda. Xususan, 20 mart kuni “Birinchi rezinotexnika zavodi”da “Qadriyatlaring boqiy bo‘lsin, Navro‘z!” shiori ostida Navro‘z umumxalq bayrami tantanali ravishda nishonlandi. Ushbu tadbir kasaba uyushmasi bilan hamkorlikda tashkil etilgan bo‘lib, unda ishchi-xodimlar faol ishtirok etdilar.

Bayram doirasida mehnat jamoalari o‘rtasida bir qator ijodiy va kulinar tanlovlar o‘tkazildi. Jumladan:

“Osh tanlovi” – milliy taomlarni tayyorlash mahoratlari baholandi,
“Ko‘klam dasturxoni” – bahoriy did va estetika tanlovi,
“Devoriy gazeta” – ijodiy-rassamlik mahorati namoyoni,
“Yashil makon” – ish joyini ko‘kalamzorlashtirishga qaratilgan tashabbuslar baholandi.

Barcha sex va bo‘limlardan jamoalar tanlovlarda faol ishtirok etdi. G‘oliblar diplom va esdalik sovg‘alari bilan taqdirlandilar.

“Osh tanlovi” g‘oliblari:

1-o‘rin — Konveyer tasmalari ishlab chiqarish sexi
2-o‘rin — Ta’minotni boshqarish bo‘limi
3-o‘rin — Bosh energetik bo‘limi jamoasi

“Ko‘klam dasturxoni” tanlovi g‘oliblari:

1-o‘rin — Bosh energetik jamoasi
2-o‘rin — Axborot texnologiyalari jamoasi
3-o‘rin — Mahsulotlar industrializasiyasi jamoasi

“Devoriy gazeta” tanlovi g‘oliblari:

1-o‘rin — Bosh energetik jamoasi
2-o‘rin — Laboratoriya jamoasi
3-o‘rin — Xodimlar bilan ishlash bo‘limi jamoasi

“Yashil makon” tanlovi g‘oliblari:

1-o‘rin — Bosh energetik
2-o‘rin — Rezinoqorishma sexi
3-o‘rin — Xomashyo ombori jamoasi

Ushbu bayramkor tadbir zavod jamoasiga nafaqat milliy qadriyatlarimizni ulug‘lash, balki jamoaviy birlik, hamjihatlik va ijodkorlik muhitini yanada mustahkamlashga xizmat qildi.