08.04.2020. Ҳозирги кунда дунё эътибори марказидан ўрин эгаллаган CОVID-19 пандемиясининг қанчалар ҳавфли ҳамда зарарли эканлиги шубҳасиз хеч кимга сир эмас. Дунё халқларини ўз ўқларидан чиқаришга уринаётган ушбу тажовузкор душманни йўқ қилиш учун бутунжаҳон мамлакатлари турли хилдаги чора-тадбирларни амалга оширмоқдалар. Бу эса албатта ўз натижасини бермоқда. Бунга асосий сабаб эса ўз вақтида ва тўғри қилиган қарорлар, тадбир ва чоралардир. Бизнинг жаннатмакон юртимизда ҳам айнан бу вирусни енгиб ўтиш учун ҳозирги кунда амалга ошириб келинаётган ишлар айнан Юртимиздаги инсон омилининг биринчи ўринда туришидан далолат беради. Муҳтарам юртбошимиз Ш.М.Мирзиёевнинг одиллик, тезкорлик билан қабул қилган чора тадбирлари бундай балони енгиш учун тамал тоши бўлди десак адашмаган бўламиз. Президентимизнинг тезкорлик ва аниқлик билан белгилаб берган вазифалари натижасида юртимизнинг бундай офатни енгиш учун тайёрлиги маълум бўлди. Бунга ҳозирги кунга келиб тезкорлик билан қад кўтараётган шифохоналаримиз, қун-у тун тинмай меҳнат қилаётган қурувчиларимиз, ўзининг бор имкониятларидан фойдаланаётган шифокорларимиз, ватанимиз тинчлиги йўлида борини беришга тайёр бўлган ҳарбийларимиз мисол бўла олади. Айнан шу инсонлар хозирги даврнинг қахрамонларидир.

Халқ бу жуда ҳам катта куч ҳисобланади. Бундайин балолардан иймони бутун, ибодати мустаҳкам инсонлар қўрқишмайди. Юртимизда айни пайтдаги карантин даврида халқнинг тинчини, унинг соғлигини ўйлаган юртбошимиз зарур ва муҳим марожаатлари орқали мамлакатимиз фуқаролприни бирдамликка чақирмоқда. Қолаверса телеканналардаги телекўрсатувлар орқали бот-бот фуқароларни “Уйда қолинг” хештеги остида ўз-ўзини ҳимоя қилишга чорламоқда. Ўз ўрнида саҳоватпеша тадбиркорларимиз ҳам аҳолининг ижтимоий ҳимояга мухтож қатлами учун ҳайриялар ташкил қилмоқда. Яна шуни ҳам таъкидлашимиз жоизки ҳозирки кунга келиб Республикамиздаги барча олий таълим муассасалари, мактаб ва мактабгача таълим муассаларидаги ўқишлар тўхтатилган. Бу эса юртимизга кириб келган коронавирусининг авж олишини олдини олиш мақсадида қўйилган қадамлардан бири. Бу эса таълим соҳасида сустгарчиликни келтириб чикармайди. Чунки 1 апрель санасидан бошлаб онлайн дарсларнинг бошланганлиги билим олиш учун имкониятларни янада оширди. Шу муносабат билан юртбошимиз ҳам ўз мурожаатида айнан масофавий таълимда талаба ёшларининг янада пухта билим олишлари учун имконият борлигини, бундан унумли фойдаланиш зарурлиги ҳақида гапирмоқдалар.

Шу билан бирга, бугунги тадбирларнинг самараси фақатгина давлат кўраётган чоралар билангина амалга ошади, деб ўйлаш мутлақо тўғри эмас. Бу ерда карантиннинг асл сабабларига чуқур нигоҳ солиш, ҳар бир инсон, жамиятнинг ҳар бир аъзосига кўп нарса боғлиқ эканини теран англаш шарти бор. Яъни ҳалқнинг бирдамлиги, жипслиги орқалигина биз бу вирусдан осонгина қутилишимиз мумкин.
Давлатимиз раҳбарининг биргаликда коронавирусни енгамиз, деган қатъий ишончи юртимиз аҳлига ҳам катта матонат бахш этмоқда. Биз албатта ўз Президентимизга камарбаста бўлишимиз зарур!

Ирисов Фаррух Кобилжон угли

Тошкент ирригация ва кишлок хужалиги механизациялаш мухандислари институти КУКси раиси