17.01.2014. Ўтган Обод турмуш йили касаба уюшма ташкилотлари учун жуда самарали ва сермазмун йил бўлди. Худди шу каби, Соғлом бола йили ҳам касаба уюшмалари тизимида хайрли амаллар билан бошланди. Хусусан, жойларда касаба уюшмалари томонидан аҳолининг ижтимоий ҳимояталаб қатламларини қўллаб-қувватлаш,  оилаларга манзилли ёрдам кўрсатиш ишлари амалга оширилди.

Масалан, Наманган вилоят касаба уюшмалари ташкилотлари бирлашмаси томонидан кам таъминланган ва боқувчисини йўқотган оилаларга кўтаринки кайфият улашиш мақсадида бир қатор оилалар, 6 нафар иккинчи жаҳон уруши фахрийси, 2 нафар 100 ёшдан ошган нуронийлар йўқланди. Наманган туманида истиқомат қилаётган иккинчи жаҳон уруши қатнашчилари П.Исомов, А.Мусаев, Наманган шаҳридан Н.Ҳожиев, М.Отабоев, Учқўрғон шаҳридан О.Юсупов,  Учқўрғон туманидан Т.Камоловнинг уйларига ташриф буюрилиб, юртимиздаги қўшалоқ байрамлар билан қутланди.

Отахону онахонларга вилоят касаба уюшмалари ташкилотлари бирлашмаси ва “Нуроний” жамғармаси томонидан совға-саломлар топширилди.