30.12.2015. Жорий йилнинг 25 декабрь куни Хоразм вилояти касаба уюшма ташкилотлари томонидан Хива туманидаги 121-сонли кўзи ожизлар мактаб-интернатида янги йил байрамига бағишланган тантанали тадбир ўтказилди. Унда мактаб-интернати тарбияланувчиларининг 129 нафарига 2,0 млн. сўмлик байрам совғалари топширилди ва улар учун “Қўғирчоқ театри”нинг қизиқарли томошалари ташкил этилди.

Шунингдек, вилоятдаги корхона, ташкилот ва муассасаларда фаолият кўрсатаётган кам таъминланган, кўп болали, боқувчисини йўқотган ходимларнинг 555 нафар фарзандларига 8950,0 минг сўмлик, янги йил байрами совғалари топширилди.

Навоий вилояти касаба уюшмалари томонидан ижтимоий ҳимояталаб оилаларнинг 1070 нафар фарзандларига  6 млн. сўмлик  совғалар берилди.

Янги йил арафасида Сурхондарё вилояти касаба уюшма ташкилотлари эътиборидан кекса авлод вакиллари ҳам четда қолмадилар. 22 нафар уруш ва меҳнат фронти фахрийси, ёлғиз қексалар, жисмоний имконияти чекланган инсонлар ҳолидан хабар олиниб, 1,5 млн сўмлик янги йил совғалари тақдим этилди.

Андижон давлат тиббёт институтининг Клиник шифохонаси касаба уюшма қўмитаси ва маьмурияти хамкорлигида эса Заҳириддин Муҳаммад Бобур номли вилоят театрида шифохона ходимлари фарзандлари учун Янги йил арча байрами тадбири ташкил этилди. Ушбу байрам тадбирида 1500 дан зиёд кам таъминланган, боқувчисини йўқотган, жисмоний имконияти чекланган, ижтимоий ҳимояталаб ишчи-ходимлар фарзандларига янги йил байрам совғалари топширилди. Шунингдек,  кам таъминланган оилаларнинг 400 нафар фарзандларига янги йил томошалари учун бепул чипталар тарқатилди.