09.12.2016. Бухоро вилоятидаги “Бухорогазсаноатқурилиш” АЖга қарашли корхоналарда меҳнат қилаётган ходимлар ўртасида спортнинг мини-футбол тури бўйича мусобақалар ташкил этилди.

Қизғин беллашувларга бой бўлган мазкур мусобақада “Ер усти қурилиш унитар корхонаси” ходимларидан иборат жамоа 1-ўринни, “Қурилиш конструкциялари таъминоти корхонаси” ходимлари 2-ўринни, “Махсус қурилиш, кимё ҳимоя сервис корхонаси” меҳнаткашлари 3-ўринни  қўлга киритдилар.

Ғолиб ва совриндорларга касаба уюшма қўмитасининг дипломи, мусобақа кубоги ҳамда қимматбаҳо совғалар топширилди.

Ана шундай спорт байрамларидан бири вилоятнинг Қоровулбозор тумандаги 10 – болалар ва ўсмирлар спорт мактабида ҳам бўлиб ўтди. Спортнинг мини футбол тури бўйича устоз ва мураббийлар ҳамда ташкилот мутасаддиларидан ташкил топган 12 та жамоа ўртасида ўтказилган мусобақалар ниҳоятда қизикарли кечди.

Ўзаро дўстлик ва соғлом рақобат муҳитида ўтган мусобақаларда 18-болалар мусиқа ва санъат мактаби педагог ва ходимларининг қўли баланд келиб, I-ўринни эгалладилар. 10-болалар ва ўсмирлар спорт мактаби жамоаси II-ўринни, 8-умумтаълим мактаби жамоаси III-ўринни эгалладилар.

Ўтказилган спорт мусобақалари  барчага аъло кайфият бағишлади.