26.05.2017. «Ўзбекистон темир йўллари» акциядорлик жамияти тасарруфидаги бошқармалар, марказлар, «Тошкент» минтақавий темир йўл узели, корхона, ташкилот ва муассасаларда фаолият кўрсатаётган ходимларни спорт билан мунтазам шуғулланишга жалб этиш мақсадида  мини-футбол бўйича Темирйўлчилар ва транспорт қурувчилари касаба уюшмаси Республика Кенгаши Кубоги мусобақалари ташкил этилди.

«Локомотив» марказий жисмоний тарбия ва спорт клубида бўлиб ўтган баҳсларда жамоалар 4 гуруҳга бўлинган ҳолда ўз маҳоратларини намойиш этишди. Мусобақанинг дастлабки босқичида 1- ва 2-ўринни эгаллаган гуруҳлар ярим финал баҳсларида ўзаро куч синашди. Ярим финал баҳсларида Ўзбекистон локомотив депоси, Тошкент метрополитени, «Қуюв механика заводи» АЖ, Алоқа ва сигнализация бошқармаси жамоалари ғолибликни қўлга киритишди.

Баҳсларнинг финал босқичида  энг кучли жамоалар Темирйўлчилар ва транспорт қурувчилари касаба уюшмаси Республика кенгаши Кубоги учун янада иштиёқ билан баҳсга киришишди. Натижада, «Қуюв механика заводи» АЖ жамоаси мутлақ ғолибликни қўлга киритган бўлса, иккинчи ўрин Тошкент метрополитени жамоасига, учинчи ўрин эса Алоқа ва сигнализация бошқармаси жамоаларига насиб этди.

ўолиб жамоага тармоқ касаба уюшмаси Республика кенгаши Кубоги топширилди ҳамда улар учун кўҳна ва ҳамиша навқирон Самарқанд шаҳрига саёҳат уюштирилди. Мусобақада 2- ва 3-ўринни эгаллаган жамоа аъзоларига эсдалик совғалари тақдим этилди.

Келгуси йилда мини-футбол бўйича мусобақалар бутун тармоқ миқёсида ўтказиладиган бўлди.