29.12.2017. Ёшлар бирлашмасининг асосий мақсадларидан бири ёшларни ҳар томонлама қўллаб-қувватлаш ва рағбатлантириш орқали жамиятда муносиб ўрин эгаллашларига кўмаклашиш ҳисобланади.

Бунинг исботи сифатида Ўзбекистон касаба уюшмалари Федерацияси Кенгаши Раёсатининг 2017 йил 30 октябрдаги 8-93 “с”-сонли “Олий таълим муассасаларида таҳсил оладиган фаол ёшларга касаба уюшмалари стипендиясини таъсис этиш ва санаторийларга бепул йўлланмалар ажратиш тизимини жорий этиш тўғрисида”ги қарори қабул қилинди.

Мазкур қарорга асосан ўтказилган танловда таълим муассаси ва касаба уюшмалари фаолиятида фаол иштирок этаётганлиги ҳамда ўзлаштириш кўрсаткичи юқори эканлигини инобатга олиб Тошкент ирригация ва қишлоқ хўжалигини механизациялаш муҳандислари институти Бухоро филиали “Гидромелиорация” факультети “Ер тузиш ва ер кадастри” таълим йўналиши 2-босқич 1-гуруҳ талабаси Амирбеков Оқил Жумақул ўғлига касаба уюшмалари стипендияси тайинланди.

2017 йил 26 декабрь куни институт Бухоро филиалининг мажлислар залида талабалар, ёш олимлар, профессор-ўқитувчилар, бошланғич касаба уюшма қўмитаси аъзолари ва Ёшлар иттифоқи етакчилари иштирокида ўтказилган тадбирда О.Амирбековга “Касаба уюшмалари стипендианти” сертификати тантанали топширилди.