24.08.2018. Ўзбекистон истеъмол товарлари ишлаб чиқариш, савдо ва хизмат кўрсатиш ташкилотлари ходимлари касаба уюшмасининг Қорақалпоғистон Республикаси тармоғи бӯйича масъул ташкилотчиси ва Ёшлар бирлашмаси ҳамкорлигида Мустақиллигимизнинг йигирма етти йиллик байрамига бағишланган “Азиз ва ягонамсан, жонажон Ӯзбекистоним” шиори остидаги мини футбол мусобақаси ӯтказилди.

Мини футбол мусобақаларининг Қорақалпоғистон Республикаси босқичига тармоқ тизимидаги корхона, ташкилот ва муассасаларда меҳнат қилаётган ёш ходимлардан таркиб топган жамоалар орасидан дастлабки босқичларда саралаб олинган 7 та жамоа ишитрок этди.

Мусобақаларнинг мазкур босқичи юқори савияда ташкил этилиши билан бирга қизиқарли баҳс ва мунозаралар остида ӯтди.

Мусобақалар натижаларига кўра тармоқ ходимларидан тузилган Хӯжайли тумани жамоаси мутлоқ ғолибликни қўлга киритди. Элликқалъа тумани жамоаси иккинчи, Нукус шаҳри жамоаси учинчи ӯринларни қўлга киритдилар.

Мусобақа ғолиблари диплом ва совғалар билан тақдирландилар.

      Ўзбекистон касаба уюшмалари Федерацияси Матбуот хизмати