28.12.2020. Тошкент давлат транспорт университетида шу мавзуда давра суҳбати бўлиб ўтди.

Анжуманда Тошкент шаҳар касаба уюшма ташкилотлари бирлашмаси, корхона раҳбарияти ва ходимлари, ­бошланғич касаба уюшма қўмиталари раислари ҳамда университетнинг ўқитувчи ва талабалари иштирок этди.
Тадбирда касаба уюшмаларининг сўнгги йиллар мобайнида жамият ижтимоий ҳаётидаги нуфузи ортиб, нафақат ишчи-ходимлар манфаати, балки том маънода халқнинг оғирини енгил қилиб, мавжуд муаммоларга ечим топишда кўмакчи бўладиган ташкилотга айлангани таъкидлаб ўтилди.
Маълумот ўрнида қайд этиш жоизки, Президентимизнинг 2020 йил 4 майдаги қарори билан Тошкент темир йўл муҳандислари институти, Тошкент автомобиль йўлларини лойиҳалаш, қуриш ва эксплуатацияси инс­титути ҳамда Тошкент давлат политехника университетининг авиакосмос технологиялари факультети негизида Тошкент давлат транспорт университети ташкил этилди.
Олий ўқув юртида 2020 йил 23 октябрда бўлиб ўтган умумий йиғилиш қарори билан касаба уюшма қўмитаси ташкил этилди. 20 ноябрда эса «Жамоа шартномаси» қабул қилинди.
Давра суҳбатида, шунинг­дек, ходимларни қулай ва хавфсиз меҳнат шароити, муносиб ҳақ тўланадиган иш билан таъминлаш, айниқса, аёллар ва ёшларга кўпроқ эътибор қаратиш, уларга қўшимча имтиёзлар жорий этиш борасида ҳам сўз юритилди.