1 июнь – Халқаро болаларни ҳимоя қилиш куни муносабати билан Ўзбекистон касаба уюшмалари Федерациясининг Фарғона вилояти кенгаши ҳамда тармоқ касаба уюшмалари Республика кенгашларининг вилоят кенгашлари ҳамда масъул ташкилотчилари томонидан “Ҳар бир болага меҳр, эътибор” шиори остида турли тадбирлар ташкил этилди.

Хусусан, сана муносабати билан Ўзбекистон давлат муассасалари ва жамоат хизмати ходимлари касаба уюшмаси Фарғона вилоят Кенгаши томонидан Фарғона шаҳридаги ногиронлиги бўлган болалар учун “Мурувват” интернат уйидаги болалар ҳолидан хабар олинди.

Мурғак қалб эгаларига тақдим этилган турли-туман байрам совғалари уларга олам-олам қувонч улашди.