Previous Next

23.01.2025. O‘zbekiston kasaba uyushmalari Federatsiyasining Navoiy viloyat Kengashida O‘zbekiston Transport, yo‘l va kapital qurilish, qurilish industriyasi xodimlari kasaba uyushmasi Navoiy viloyat Kengashi tizimidagi boshlang‘ich kasaba uyushma tashkilotlarida hisobot-saylovlarni o‘tkazishga bag‘ishlangan o‘quv-seminar tashkil etildi.

Unda Federatsiyasining Navoiy viloyat Kengashi raisi N.Tog‘aeva, tarmoq kasaba uyushmasi Respublika Kengashi bosh mutaxassisi Sh.Ne’matov, shuningdek, viloyat Kengashi hamda tarmoq kasaba uyushmasi xududiy kengashi mutaxassislari belgilangan tartib asosida hisobot-saylov yig‘ilishlari va konferensiyalarini yuqori saviyada hamda Federatsiya va tarmoq kasaba uyushmasi Ustavlari, me’yoriy hujjatlarga qat’iy rioya etgan holda o‘tkazilishini ta’minlash, hisobot-saylov yig‘ilishlarini o‘tkazish bilan bog‘liq hujjatlarni o‘rnatilgan tartibda to‘g‘ri rasmiylashtirilishini ta’minlash bo‘yicha batafsil tushuntirishlar berdilar.

Trening shaklida tashkil etilgan o‘quv-seminar davomida hisobot-saylov yig‘ilishini olib borishdan tortib, boshlang‘ich kasaba uyushma qo‘mitasi raisi va tarkibini saylash, byulletenlarni talab darajasida to‘ldirish, sanoq komissiyasi va kotibiyatining ish jarayoni, yuqori tashkilot Konferensiyasiga delegatlarni hamda taftish komissiyasi raisi va tarkibini saylashgacha bo‘lgan jarayonlar amaliy tarzda ko‘rsatib berildi.

O‘zbekiston kasaba uyushmalari Federatsiyasi Matbuot xizmati