Previous Next

13.02.2025. “Ҳудудий электр тармоқлари” АЖ Қорақалпоғистон филиали бошланғич касаба уюшмаси ташкилотининг ҳисобот-сайлов конференцияси бўлиб ўтди.

Мадҳиялар билан бошланган конференцияда цех ташкилотларидан сайланган 43 нафар делегатдан 40 нафари иштирок этди.

Конференцияда Ўзбекистон энергетика, нефт-газ ва геология ходимлари касаба уюшмаси Республика Кенгаши раиси ўринбосари С. Егамбердиев иштирок этиб, касаба уюшмалари томонидан олиб борилаётган ишлар, хусусан, бу йил касаба уюшмаларининг 120 йиллиги кенг нишонланиши ҳақида айтиб ўтди.

Конференция кун тартибига кўра қўмитанинг 5 йиллик фаолияти бўйича қўмита раиси ва тафтиш комиссиясининг ҳисоботлари тингланди ҳамда муҳокама қилинди.

Шунингдек, касаба уюшмаси қўмитасининг раиси ва таркиби, тафтиш комиссияси таркиби ва раиси ҳамда юқори ташкилотларнинг қурултой ва конференциясига делегатлар сайланди.

Делегатлар томонидан яширин овоз бериш йўли билан қўмита раиси этиб Стасенко Валерий Петрович қайта сайланди.

Ўзбекистон касаба уюшмалари Федерацияси Матбуот хизмати