![[:uz]Ўзбекистон касаба уюшмалари Федерациясининг Портали[:ru]Портал Федерации Профсоюзов Узбекистана[:oz]Oʻzbekiston kasaba uyushmalari Federasiyasining Portali[:uzl]Oʼzbekiston kasaba uyushmalari Federatsiyasining Portali[:]](https://kasaba.uz/wp-content/uploads/2024/04/cropped-ohirgi-logo_kasaba_v13-removebg-preview.png){kind=logo}
Ўзбекча 
Русский
27.03.2025. 2025 йил 25 март куни Ислом Каримов номидаги Тошкент давлат техника университети маъмурияти ва касаба уюшма қўмитаси ўртасида 2023–2025 йиллар учун тузилган Жамоа шартномасининг 2024 йилдаги ижроси муҳокама қилинди.
Йиғилишда Ўзбекистон таълим ва фан ходимлари касаба уюшмаси Тошкент шаҳар кенгаши раиси Абдухалил Рахмонов иштирок этди. Дастлаб, биринчи йиғилишда жамоа шартномаси бандларининг бажарилиши муҳокама этилди. Унда университет ректори, академик Садриддин Туробжонов ва касаба уюшмаси раиси Хайрулла Зикриллаев ҳисоботлари тингланди. Ҳисоботлардан сўнг муҳокамалар олиб борилиб, тегишли қарорлар қабул қилинди.
Шундан сўнг, 47 нафар делегатлар ва таклиф этилган меҳмонлар иштирокида иккинчи йиғилиш — университет касаба уюшма ташкилотининг ҳисобот-сайлов конференцияси бўлиб ўтди. Конференция кун тартибида 8 та масала босқичма-босқич муҳокама этилиб, ҳисоботлар юзасидан иштирокчилар маърузалари тингланди.
Касаба уюшма қўмитаси раисига сайлов муқобиллик асосида ва яширин овоз бериш йўли билан ўтказилди. Овоз бериш натижалари ва саноқ комиссиясининг баённомасига кўра, конференцияда иштирок этган 47 нафар делегатдан 38 нафари Хайрулла Фатхуллаевич Зикриллаев номзодини қўллаб-қувватлади. У университет касаба уюшма қўмитаси раиси, қўмита ва раёсат аъзоси этиб сайланди.