![[:uz]Ўзбекистон касаба уюшмалари Федерациясининг Портали[:ru]Портал Федерации Профсоюзов Узбекистана[:oz]Oʻzbekiston kasaba uyushmalari Federasiyasining Portali[:uzl]Oʼzbekiston kasaba uyushmalari Federatsiyasining Portali[:]](https://kasaba.uz/wp-content/uploads/2024/04/cropped-ohirgi-logo_kasaba_v13-removebg-preview.png){kind=logo}
Ўзбекча 
Русский
27.03.2025. Бугун, 2025 йил 26 март куни, «Тошшаҳартрансхизмат» АЖ «7-Автобус саройи» филиалида касаба уюшма ташкилотининг ҳисобот-сайлов йиғилиши бўлиб ўтди.
Йиғилишда Ўзбекистон касаба уюшмалари Федерациясининг Тошкент шаҳар Кенгаши мутахассиси Равшан Махамадалиев ва Ўзбекистон транспорт, йўл ва капитал қурилиш, қурилиш индустрияси ходимлари касаба уюшмаси Тошкент шаҳар Кенгаши раиси Хусниддин Сайдалиев иштирок этдилар.
Мажлисда кун тартибидаги масалалар муҳокама қилинди. Жумладан, 2020 йил март ойидан 2025 йил март ойигача бўлган ҳисобот даврида амалга оширилган ишлар бўйича директор Нодирхон Мансурович Ходжаев, касаба уюшмаси қўмитаси раиси Боходир Хасанович Жалолов ва тафтиш комиссияси ҳисоботлари эшитилди.
Сўзга чиққанлар ҳисобот даврида амалга оширилган ишлар юзасидан тегишли баҳоларни бердилар. Шунингдек, бошланғич касаба уюшмаси қўмитаси таркиби ва бошланғич ташкилот раиси сайлови бўйича масалалар кўриб чиқилди. Кўрсатилган иккита номзоддан Боходир Хасанович Жалолов меҳнат жамоаси томонидан бир овоздан маъқулланди.
Йиғилишда кун тартибидаги масалалар муҳокама қилиниб, кўтарилган саволларга мутасаддилар томонидан жавоб берилди ва келгуси вазифалар белгилаб олинди.