![[:uz]Ўзбекистон касаба уюшмалари Федерациясининг Портали[:ru]Портал Федерации Профсоюзов Узбекистана[:oz]Oʻzbekiston kasaba uyushmalari Federasiyasining Portali[:uzl]Oʼzbekiston kasaba uyushmalari Federatsiyasining Portali[:]](https://kasaba.uz/wp-content/uploads/2024/04/cropped-ohirgi-logo_kasaba_v13-removebg-preview.png){kind=logo}
Ўзбекча 
Русский
27.03.2025. “Биокимё” АЖ касаба уюшмаси ташкилотининг ҳисобот-сайлов конференцияси ўтказилди.
Конференцияда Кимё ва фармацевтика саноати ходимлари касаба уюшмаси Республика кенгашининг ижтимоий ҳимоя масалалари бўйича бош мутахассиси Н. Музаппарова ва ташкилий ишлар бўйича бош мутахассиси Б. Қуватов, корхона касаба уюшмаси қўмитаси раиси Э. Нишоналиев ҳамда ишлаб чиқариш цехларидан сайланган делегатлар иштирок этдилар.
Конференцияда ташкилотнинг 2020–2025 йилларда олиб борилган фаолияти юзасидан касаба уюшмаси қўмитаси раиси Элмурод Нишоналиев ва тафтиш комиссиясининг ҳисоботлари эшитилди. Делегатлар томонидан касаба уюшмаси қўмитаси фаолияти “қониқарли” деб баҳоланди ва тафтиш комиссиясининг ҳисоботи тасдиқланди.
Конференция кун тартибига кўра, ташкилий масала кўрилди. Унда яширин овоз бериш йўли билан, муқобиллик асосида, “Биокимё” АЖ бошланғич касаба уюшмаси қўмитаси раиси лавозимига кўпчилик овоз билан Нишоналиев Элмурод Баходирович сайланди. Шунингдек, касаба уюшмаси қўмитасининг таркиби, тафтиш комиссияси таркиби ва унинг раиси ҳамда юқори касаба уюшмаси органига делегатлар сайланди.
Республика кенгаши вакиллари Ўзбекистон касаба уюшмаларининг 120 йиллиги муносабати билан маъруза қилиб, тарихий ривожланиш босқичлари ва бугунги кунда олиб борилаётган фаолият ҳақида маълумот бериб ўтдилар.
Делегатлар томонидан касаба уюшмаси фаолиятини янада ривожлантириш юзасидан таклифлар билдирилди.
Шавкат Тоиров
Кимё ва фармацевтика саноати ходимлари касаба уюшмаси Республика кенгаши раисининг ёшлар масалалари бўйича маслаҳатчиси