Previous Next

27.03.2025. Бугун “Жиззах аккумулятор заводи” МЧЖ касаба уюшмаси ташкилотининг ҳисобот-сайлов конференцияси бўлиб ўтди.

Тадбир давомида касаба уюшмаси раиси Улуғбек Абдулаҳатович Уразбоев 2020–2025-йиллар давомида амалга оширилган ишлар бўйича ҳисобот берди. Конференция делегатлари томонидан унинг фаолияти “қониқарли” деб баҳоланди ва у яна ушбу лавозимга қайта сайланди.

Конференцияда иш берувчи вакили – “Жиззах аккумулятор заводи” МЧЖ техник директори Шуҳрат Хабибович Умаров иштирок этди. У завод раҳбарияти номидан сўзга чиқиб, амалга оширилган ишлар ҳақида маълумот берди. Шунингдек, тадбир давомида касаба уюшмаси ва иш берувчи ўртасидаги ҳамкорлик масалалари муҳокама қилинди.

Йиғилиш якунида қуйидаги қарорлар қабул қилинди:

• Касаба уюшмаси қўмитаси таркиби шакллантирилди.

• Тафтиш комиссияси ва унинг раиси сайланди.

• 2025-йил июнь ойида бўлиб ўтадиган вилоят конференциясига делегатлар тасдиқланди.

Конференцияда меҳмон сифатида қуйидаги касаба уюшмалари раҳбарлари иштирок этди:

• Қобилжон Қирғизалиевич Қирғизалиев – Ўзбекистон касаба уюшмалари Федерацияси раиси ўринбосари, меҳнат инспекцияси бошлиғи.

• Аҳмаджон Маҳмудович Хақулов – Ўзбекистон металлургия ва машинасозлик саноати ходимлари касаба уюшмаси Республика Кенгаши раиси.

• Илҳомжон Иброҳимович Камолов – Республика Кенгаши ташкилий ишлар бўлими мудири.

• Олимхон Абдусаматович Мирзаев – Тармоқ касаба уюшмаси Самарқанд вилояти Кенгаши раиси.

Тадбир давомида касаба уюшмаси фаолиятини янада ривожлантириш бўйича таклифлар билдирилди.