Previous Next

01.04.2025. “Ўзбекистон касаба уюшмалари Федерацияси Тошкент вилояти Кенгашининг 2025 йил I ярим йиллиги учун мўлжалланган иш режаси тўғрисида”ги 14-05 “с”-сонли Ижроия қўмитаси қарорига асосан, Ўзбекистон касаба уюшмаларининг 120 йиллиги ҳамда апрель ойида нишонланадиган “Бутунжаҳон меҳнатни муҳофаза қилиш куни” муносабати билан Чирчиқ шаҳрида “Ишлаб чиқаришдаги бахтсиз ҳодисаларни олдини олиш, инновацион технологияларни жорий қилиш орқали меҳнатни муҳофаза қилиш шароитларини яхшилаш” мавзусида амалий семинар ўтказилди.

Мазкур семинарга Ўзбекистон Тадбиркорлик, бизнес ва хизмат кўрсатиш соҳалари ходимлари касаба уюшмасига аъзо ташкилот, корхона ва муассасалар бошланғич касаба уюшма қўмитаси раислари ҳамда меҳнат муҳофазаси бўйича масъул ходимлари таклиф этилди.

Семинарда Ўзбекистон Иш берувчилари конфедерацияси ижрочи директори Эка Сергеевна Маргишвили, Ўзбекистон касаба уюшмалари Федерацияси Тошкент вилояти Кенгаши раиси ўринбосари Ў. Рашидов, Ўзбекистон Тадбиркорлик, бизнес ва хизмат кўрсатиш соҳалари ходимлари касаба уюшмаси Республика Кенгаши меҳнат муҳофазаси бўйича бош мутахассиси М. Адилов, Тошкент вилояти Бандлик бош бошқармаси Давлат меҳнат инспекцияси меҳнатни муҳофаза қилиш бўйича давлат техник инспектори М. Мирхомидов, “Модерн Медиcине Аллианcе” МЧЖ раҳбари ўринбосари С. Кадиров, Ўзбекистон касаба уюшмалари Федерацияси Тошкент вилояти Кенгаши меҳнат-ҳуқуқ инспектори М. Мирзаев ва меҳнат-техник инспектори Ш. Хазраткуловлар иштирок этишди.

Семинар давомида тадбиркорлик, бизнес ва хизмат кўрсатиш соҳаларида меҳнат муҳофазаси бўйича муаммолар, ишлаб чиқаришдаги бахтсиз ҳодисалар ва уларни олдини олишда инноватсион технологияларни жорий қилиш, иш ўринларини меҳнат шароитлари ва асбоб-ускуналарнинг жароҳатлаш хавфлилиги юзасидан аттестациядан ўтказиш тартиби ҳамда Ўзбекистон Республикаси Меҳнат кодексига киритилган ўзгартиришлар тўғрисида лекторлар томонидан маъруза қилинди.

Семинар иштирокчиларнинг савол-жавоб муҳокамалари билан якунланди.