Previous Next

21.04.2025. “Dehqonobod kaliy zavodi” AJ kasaba uyushmasi tashkilotining hisobot-saylov konferensiyasi bo‘lib o‘tdi.

Tadbirda “Dehqonobod kaliy zavodi” AJ boshqaruvi raisi T. Zaripov, Kimyo va farmasevtika sanoati xodimlari kasaba uyushmasi Respublika kengashi raisi N. Alimdjanova, rais o‘rinbosari I. Isoqov, korxona kasaba uyushmasi raisi N. Ko‘chkinov hamda ishlab chiqarish sexlaridan saylangan delegatlar ishtirok etdilar.

Konferensiyada 2020–2025 yillar davridagi faoliyat yuzasidan ish beruvchi, kasaba uyushmasi qo‘mitasi raisi va taftish komissiyasining hisobotlari tinglandi. Delegatlar tomonidan kasaba uyushmasi qo‘mitasining hisobot davridagi faoliyati “qoniqarli” deb baholandi va taftish komissiyasining hisoboti tasdiqlandi.

Kun tartibida tashkiliy masala ham ko‘rildi. Yashirin ovoz berish yo‘li bilan, muqobillik asosida, “Dehqonobod kaliy zavodi” AJ boshlang‘ich kasaba uyushmasi qo‘mitasi raisi lavozimiga ko‘pchilik ovoz bilan Safarov Odil Chorievich saylandi. Shuningdek, qo‘mitaning yangi tarkibi, taftish komissiyasi hamda yuqori tashkilot organlariga delegatlar saylandi.

Tadbir davomida so‘zga chiqqanlar O‘zbekiston kasaba uyushmalari harakatining 120 yilligini munosib nishonlash yuzasidan olib borilayotgan ishlar haqida ma’lumot berdilar.

Delegatlar tomonidan bildirilgan takliflar asosida kelgusidagi faoliyat uchun ustuvor vazifalar belgilab olindi.

Shavkat Toirov

Yoshlar masalalari bo‘yicha maslahatchi Kimyo va farmasevtika sanoati xodimlari kasaba uyushmasi Respublika kengashi