29.08.2025. Жорий йилнинг 29 август куни Навоий шаҳридаги спортнинг ўйин турлари ва енгил атлетикага ихтисослаштирилган спорт мактаби биносида Мустақиллигимизнинг 34 йиллиги ҳамда Ўзбекистон касаба уюшмалари ҳаракатининг 120 йиллиги муносабати билан «Ватан учун, миллат учун, халқ учун!» шиори остида ёш ходимлар ўртасида стол тенниси бўйича мусобақа бўлиб ўтди. Ушбу спорт тадбири Ўзбекистон касаба уюшмалари Федерациясининг Навоий вилоят Кенгаши ташаббуси ҳамда вилоят спорт бошқармаси ҳамкорлигида ташкил этилди.
Мусобақани очиш маросимида вилоят Кенгаши раиси ўринбосари Хуршид Халилов ҳамда вилоят спорт бошқармаси бошлиғи ўринбосари Зокир Абдиев сўзга чиқиб, тадбирнинг аҳамияти ҳақида тўхталиб ўтдилар. Улар, жумладан, бу каби тадбирлар ёшлар ўртасидаги дўстлик ришталарини мустаҳкамлаш, ҳамкорлик муҳитини ривожлантириш ва спорт орқали саломатликни таъминлашда муҳим ўрин тутаётганини таъкидлади.
Мусобақа натижаларига кўра ғолиб ва совриндорлар қуйидагича эълон қилинди:
Аёллар ўртасида:
1-ўрин: Ражабова Севара Абдулла қизи – спорт мактаби психологи, ўқитувчи
2-ўрин: Тоирова Қундузой Азимжоновна – Навоий шаҳар 4-мактаби география фани ўқитувчиси
3-ўрин: Раҳматуллаева Моҳинур Хусниддин қизи – «Qizilqumsement» АЖ, электр таъмирлаш бўлими, меҳнатни меъёрлаштириш бўйича техник
Эркаклар ўртасида:
1-ўрин: Сайфуллаев Достон Фахриддин ўғли – Навоий вилояти СЭО ва ЖСБ бўлими бошлиғи, врач
2-ўрин: Пирназаров Илҳом Алимардон ўғли – «Qizilqumsement» АЖ, қурилиш назорати бўйича етакчи муҳандис
3-ўрин: Холмуродов Жўрабек Дилмурод ўғли – «Навоийазот» АЖ, 68-цех, чилангар
Ғолиблар Ўзбекистон касаба уюшмалари Федерациясининг Навоий вилоят Кенгаши томонидан диплом ва эсдалик совғалари билан тақдирланди.