[:uz]Ўзбекистон касаба уюшмалари Федерациясининг Портали[:ru]Портал Федерации Профсоюзов Узбекистана[:oz]Oʻzbekiston kasaba uyushmalari Federasiyasining Portali[:uzl]Oʼzbekiston kasaba uyushmalari Federatsiyasining Portali[:]
+998 71 252-21-18

VI-тармоқ Спартакиадаси Республика босқичи бўлиб ўтди

09.09.2025

71

09.09.2025. Ўзбекистон Республикаси давлат мустақиллигининг 34 йиллиги ҳамда Ўзбекистон касаба уюшмалари ҳаракатининг 120 йиллиги муносабати билан жорий йилнинг 5–7 сентябрь кунлари Ўзбекистон металлургия ва машинасозлик саноати тармоқлари ходимлари касаба уюшмаси Республика Кенгаши ташаббуси билан “VI-тармоқ Спартакиадаси”нинг Республика босқичи ўтказилди.

Уч кун давом этган беллашувларда мамлакатнинг турли ҳудудларидан жамоалар ва спортчилар иштирок этиб, мини футбол, арқан тортиш, сузиш, дартс, стол тенниси, шашка ва шахмат бўйича ғолиблик учун кураш олиб боришди.

Ташкилотчиларнинг таъкидлашича, Спартакиаданинг асосий мақсади — соҳа ходимлари ўртасида соғлом турмуш тарзини кенг тарғиб қилиш, спорт орқали жамоавий руҳни мустаҳкамлаш ҳамда тармоқ ишчилари ўртасида дўстона алоқаларни кучайтиришдир.

Беллашувлар юқори савияда, катта қизиқиш ва руҳий кўтаринкилик билан ўтди. Ҳар бир тур бўйича ғолиб ва совриндорлар аниқланиб, уларга диплом ва эсдалик совғалар топширилди.

Натижалардан айримлари:

  • Мини футбол: I-ўрин — Хоразм вилояти жамоаси, II-ўрин — Фарғона вилояти, III-ўрин — Тошкент вилояти.

  • Арқон тортиш: I-ўрин — Хоразм вилояти, II-ўрин — Фарғона вилояти, III-ўрин — Наманган вилояти.

  • Сузиш: I-ўрин — Шарафов Бекзод (Фарғона), II-ўрин — Абдуллаев Сайёдбек (Андижон), III-ўрин — Тилякабилов Азиз (Тошкент).

  • Дартс: I-ўрин — Таджибаева Маъмура (Наманган), II-ўрин — Мадаминова Мухаббатхон (Андижон), III-ўрин — Яхъяева Гузал (Тошкент).

  • Стол тенниси: аёллар ўртасида I-ўрин — Самарқанд вилояти, эркаклар ўртасида I-ўрин — Самарқанд вилояти.

  • Шашка: аёллар ўртасида I-ўрин — Самарқанд вилояти, эркаклар ўртасида I-ўрин — Фарғона вилояти.

  • Шахмат: аёллар ўртасида I-ўрин — Андижон вилояти, эркаклар ўртасида I-ўрин — Андижон вилояти.

“VI-тармоқ Спартакиадаси” соҳа ходимларининг спортга бўлган қизиқишини янада оширишга, жисмоний тарбия ва спортни оммалаштиришга хизмат қилди. Ушбу мусобақа иштирокчиларга нафақат саломатликни мустаҳкамлаш, балки иш ва спортда ҳам жамоавий ҳамкорликнинг муҳим аҳамиятга эгалигини яна бир бор намоён этди.