![[:uz]Ўзбекистон касаба уюшмалари Федерациясининг Портали[:ru]Портал Федерации Профсоюзов Узбекистана[:oz]Oʻzbekiston kasaba uyushmalari Federasiyasining Portali[:uzl]Oʼzbekiston kasaba uyushmalari Federatsiyasining Portali[:]](https://kasaba.uz/wp-content/uploads/2024/04/cropped-ohirgi-logo_kasaba_v13-removebg-preview.png){kind=logo}
Ўзбекча 
Русский
25.09.2025. Ўзбекистон касаба уюшмалари Федерацияси Фарғона вилояти кенгаши томонидан 1 октябрь — “Ўқитувчи ва мураббийлар куни” муносабати билан таълим фидойиларига эъзоз ва иззат-ҳурмат кўрсатилди.
Тадбирда бор куч-ғайратини ёш авлод тарбиясига бағишлаган фахрийлар, ўз билими ва иқтидори билан ўрнак бўлаётган илғор ўқитувчилар, халқ таълими соҳасининг фидокор инсонлари иштирок этди.
Таълим соҳасида намунали фаолият юритаётган юздан ортиқ таълим ходимларига Ўзбекистон касаба уюшмалари Федерацияси Фарғона вилояти кенгашининг эсдалик совғалари ва сиҳатгоҳларга йўлланмалар топширилди.
Тадбирда иштирок этган Ўзбекистон таълим ва фан ходимлари касаба уюшмаси Республика кенгаши раиси Равшан Бедилов ҳамда Ўзбекистон касаба уюшмалари Федерацияси Фарғона вилояти кенгаши раиси Эркинжон Нуралиев соҳа ходимларини байрам билан табриклаб, ўқитувчилик касби касблар ичида энг шарафлиси эканини таъкидлади.
Ўз навбатида, сўзга чиққан устозлар ўқитувчиларни ҳар жабҳада қўллаб-қувватлаб келаётган Ўзбекистон касаба уюшмалари Федерациясига миннатдорлик билдирдилар.
Байрам муносабати билан янграган куй-қўшиқлар барчани рақсга чорлади.