Previous Next

17.12.2025. Ўзбекистон касаба уюшмалари Федерациясининг Сирдарё вилоят кенгаши меҳнат ҳуқуқ инспектори ҳамда тегишли тармоқ раиси томонидан Тошкент кимё технологиялари институтининг Янгиер филиалида хотин-қизларнинг жамиятдаги ролини ошириш, гендер тенглиги ва оила масалалари бўйича Республика комиссиясининг 2025 йил 26 майдаги 14-сонли Баённомасига асосан белгиланган режа асосида гендер аудит ўтказилди.

Ушбу ўрганиш “Хотин-қизлар ва эркаклар учун тенг ҳуқуқ ҳамда имкониятлар кафолатлари тўғрисида”ги қонун талабларининг амалий ижросини таъминлашга қаратилган бўлиб, хотин-қизларнинг жамиятдаги ролини ошириш масалаларига бағишланди.

Шунингдек, институт ходимлари иштирокида семинар ташкил этилиб, гендер аудит бўйича тўлиқ тушунчалар берилди. Семинар давомида институтдаги шароитлар, ички тартиб-қоидалар, ходимлар учун яратилган имкониятлар, гендер тенглиги тамойилларининг қай даражада татбиқ этилаётгани, хотин-қизлар ва эркаклар учун тенг ҳуқуқ ва имкониятлар таъминланганлиги юзасидан ўрганиш ўтказилиши тушунтириб берилди.

Ўрганиш давомида институтда амалга оширилаётган ишлар таҳлил қилиниб, уларни янада такомиллаштириш бўйича қатор тавсиялар берилди.

Бундан ташқари, институт раҳбарияти ва жамоаси билан очиқ мулоқот ташкил этилди. Мулоқот давомида гендер тенглигини таъминлаш, хотин-қизларни қўллаб-қувватлаш, уларнинг меҳнат ҳуқуқларини ҳимоя қилиш ҳамда қонунчилик талабларига риоя этиш каби муҳим масалалар кенг муҳокама қилинди.

Шу билан бирга, ходимлар томонидан берилган саволларга мутахассислар томонидан батафсил жавоблар берилди.