![[:uz]Ўзбекистон касаба уюшмалари Федерациясининг Портали[:ru]Портал Федерации Профсоюзов Узбекистана[:oz]Oʻzbekiston kasaba uyushmalari Federasiyasining Portali[:uzl]Oʼzbekiston kasaba uyushmalari Federatsiyasining Portali[:]](https://kasaba.uz/wp-content/uploads/2024/04/cropped-ohirgi-logo_kasaba_v13-removebg-preview.png){kind=logo}
Ўзбекча 
Русский
26.01.2026. Х. Хамдамов бир неча йиллардан буён Фарғона ихтисослаштирилган санъат мактабида инглиз тили фанидан дарс бериб келарди.
Аммо кутилмаганда иш берувчи томонидан унинг меҳнат шартномаси меҳнат мажбуриятларини бузган, деган важ билан бир томонлама бекор қилинди.
Иш берувчининг бундай хатти-ҳаракатидан норози бўлган Х. Хамдамов бузилган ҳуқуқларини тиклашда кўмак сўраб Ўзбекистон касаба уюшмалари Федерацияси Фарғона вилояти Кенгашига мурожаат қилди.
Ўрганиш давомида Х. Хамдамовни ишдан бўшатиш тўғрисидаги буйруқ ғайриқонуний қабул қилингани аниқланди. Иш берувчи билан олиб борилган музокаралар натижа бермагач, вилоят Кенгаши томонидан Х. Хамдамовни ишга тиклаш тўғрисида Фуқаролик ишлари бўйича судга даъво аризаси киритилди.
Суд даъво аризасини қаноатлантириб, Х. Хамдамовни ишга тиклаш бўйича қарор чиқарди. Шунингдек, мажбурий прогул кунлари учун иш берувчидан 15 миллион сўм иш ҳақи ва маънавий зарар ундириладиган бўлди.
Мансуржон Усмонов
Ўзбекистон касаба уюшмалари Федерацияси Фарғона вилояти Кенгаши бош юристконсулти