Previous Next

27.02.2026. Мамлакатимизда муҳтарам Юртбошимиз томонидан ёшларни қўллаб-қувватлашга алоҳида эътибор қаратилмоқда. Бугунги кунда ёшлар сиёсати давлат сиёсати даражасига кўтарилди.

Жорий йил 24 февраль куни Президентимиз Шавкат Мирзиёев бир гуруҳ ёшлар билан учрашиб, бир қатор таклиф ва ташаббусларни илгари сурдилар. Жумладан, пайшанба куни Ёшлар куни этиб белгиланди.

Шу муносабат билан Ўзбекистон касаба уюшмалари Федерациясининг Фарғона вилояти Кенгаши раиси Э. Нуралиев Бағдод туманида бир гуруҳ ёшлар билан учрашди.

Учрашувда Ўзбекистон касаба уюшмалари ҳамиша ёшларни, айниқса ёш ишчи-ходимларни қўллаб-қувватлаб келаётгани таъкидланди.

Бугунги кунда вилоят касаба уюшмалари Кенгашида 700 мингдан ортиқ аъзо бирлашган бўлиб, уларнинг 220 мингдан ортиғини ёшлар ташкил этади.

Шунингдек, ёшлар учун кенг имкониятлар яратилаётгани қайд этилди. Хусусан, Президентимиз учрашувда ёшлар тадбиркорлигини қўллаб-қувватлаш учун қўшимча 200 миллион доллар маблағ ажратилишини, ўзини ўзи банд қилган ёшлар учун кредит миқдори 100 миллион сўмдан 300 миллион сўмгача оширилишини, ёш тадбиркорлар лойиҳалари учун кредит ажратиш миқдори 10 миллиард сўмгача кўпайтирилишини маълум қилдилар.

Учрашув давомида ёшлар ўзларини қизиқтирган саволларга атрофлича жавоб олдилар.