![[:uz]Ўзбекистон касаба уюшмалари Федерациясининг Портали[:ru]Портал Федерации Профсоюзов Узбекистана[:oz]Oʻzbekiston kasaba uyushmalari Federasiyasining Portali[:uzl]Oʼzbekiston kasaba uyushmalari Federatsiyasining Portali[:]](https://kasaba.uz/wp-content/uploads/2024/04/cropped-ohirgi-logo_kasaba_v13-removebg-preview.png){kind=logo}
Ўзбекча 
Русский
Давлатимиз раҳбари ташаббуси билан бошқа ҳеч бир мамлакатда учрамайдиган ноёб механизм маҳаллаларда “Аёллар дафтари” тизими жорий этилди.
Мазкур тизим доирасида уй-жой ва яшаш шароитини яхшилашга, тиббий ва психологик ёрдамга муҳтож, тазйиқ ва зўравонликка учраган, шунингдек ҳуқуқий ёрдамга эҳтиёжи мавжуд аёллар қамраб олинади. Шу билан бирга, қишлоқ жойларда хотин-қизлар бандлиги ва тадбиркорлигини ривожлантиришга қаратилган дастурлар ҳам кенгайтирилмоқда.
Ўзбекистон касаба уюшмалари Федерациясининг Навоий вилояти Кенгашида “Аёллар дафтари”нинг 7-босқичида амалга ошириладиган ишларни самарали ташкил этиш масалаларига бағишланган йиғилиш ўтказилди.
Йиғилишда вилоят Кенгаши раиси Назира Тоғаева ҳамда Ўзбекистон касаба уюшмалари Федерациясидан бириктирилган масъул раҳбар Фарҳоджон Ханапияев мазкур жараёнда ҳеч бир хотин-қиз эътибордан четда қолиб кетмаслигига алоҳида урғу бериб ўтди.