Previous Next

28.09.2026. Ўзбекистон агросаноат мажмуи ходимлари касаба уюшмаси Республика Кенгаши, Ўзбекистон фермерлар Кенгаши ҳамда Ўзбекистон “Аграр соҳа аёллари” уюшмаси билан ҳамкорликда “Ибратли фермер аёл” кўрик-танлови бўлиб ўтмоқда.

Танлов мамлакатимизнинг қишлоқ хўжалиги соҳасини ривожлантиришда ибратли меҳнат фаолияти ва фаол жамоатчилиги билан ўрнак бўлаётган, ўзларининг илғор хорижий ва маҳаллий тажрибаларини амалиётга жорий этиб, соҳа равнақи, эл ободлиги ва турмуш фаровонлигини оширишга муносиб ҳисса қўшаётган аёл фермерларни қўллаб-қувватлаш ва рағбатлантириш мақсадида ташкил этилди.

Танлов 3 та босқичда, туман, вилоят ва Республика миқёсида ўтказилмоқда.

Жорий йилнинг сентябрь ойида мазкур танловнинг туман босқичи ўтказилди ва унда жами 763 нафар фермер аёл иштирок этди.

Ҳозирда танловнинг вилоят босқичлари юқори савияда ташкил этилмоқда.

Танловнинг Республика босқичи жорий йилнинг октябрь ойида “Халқаро қишлоқ аёллари куни” арафасида бўлиб ўтиши ҳамда танлов ғолиблари ушбу сана муносабати билан ўтказиладиган байрам тадбирларида тақдирланиши кўзда тутилган.

Ўзбекистон касаба уюшмалари Федерацияси Матбуот хизмати